火鍋本色 (已結業)

跟住姐姐们又有好嘢食，今次我哋去咗铜锣湾食火锅，超值六人餐，$1488 套餐价钱包括茶位、酱料及加一服务费，最怕好多食肆加加下要俾多近$100，全包宴最货真价实，先赞！睇个餐牌真系好多嘢食，完全唔使担心唔够饱，食完之后觉得又新鲜又足料，今晚大家尽兴，食到抱住个肚走，哈哈，又要减肥啰！咁即系有咩食，点咗蕃茄薯仔猪骨汤及大鱼头豆腐汤底，两款都可以先饮碗汤，真材实料煲，饮完唔会口干，冇乜油唔怕饮。肚饿了，树记紫菜响铃卷、炸鱼皮、炸酿油炸鬼先吃。之后大擦本色极品手切牛及西班牙黑毛猪，两个都机设，非常齐整，灼一会食得，非常嫩。另一重点在特上海鲜拼盘，有鲍鱼、虾、蚬蟹，鲜味十足。肉仲有花雕鸡半只，几香，金牌四宝丸、云吞、鱼皮饺新鲜做，馅足。冰豆腐、粉丝、稻庭乌冬吸汤汁之后极好吃。田园杂菜篮有生菜、小棠菜、金菇、冬菇。两壸甘笋汁竹蔗水够饮。