淥鼎記

营业中

休息中

今日放假约咗朋友去旺角行街食饭，见天气有啲冻一于去打边炉朋友带咗我一间火锅放题任食食物质素非常高。渌鼎记鼎记火锅放题，地址喺旺角弥敦道601号创兴广场5楼，六个主题材任选一款，椰子鸡，清汤萝卜牛腩，香辣烤鱼，重庆鸡煲，老坛酸菜鱼，双冬羊腩煲。我拣咗最爱嘅原味椰子鸡煲，鸡嘅份量都好多食落去肉质嫩滑，汤底椰子味香浓，汤又鲜又甜又暖胃。牛肉有安格斯极佳级肥牛，安格斯牛板翼。牛肉真系好好味，有入口即溶嘅感觉。脂肪分布均匀令到牛肉嘅味道更加香浓。海鲜有广岛蚝，海虾，沙白，水鱿，脆骨腩，脆肉鲩，鱼鳔。广岛蚝虽然唔大只入口味道先甜爽口。海虾只只都好生猛，虾肉爽口弹牙味道鲜甜。另外脆骨腩都非常出色，一啲腥味都冇入口爽脆。出面自助区仲有好多款食物，酱料都有十几二十种摆放整齐整洁，值得一赞。另外饮品，茶，汽水都有几十种任饮任食性价比好高。