PHI Coffee & Pancake (尖沙咀中心)

营业中

休息中

之前已经去过【PHI Coffee & Pancake】食觉得食物尤其系佢地个pancake都几高质同几有heart，今次尖沙咀尖东就开左新舖，最近就去左食下午茶同dinner。汉堡扒全日早餐：呢个之前其他分店无食过，包括一个汉堡扒、烟肉、太阳蛋、沙律、炒蘑菇、牛油果同牛油多士。汉堡扒非常厚同大块、非常juicy热辣辣。另外最喜出望外系牛油多士，非常香脆再加蜜糖好香甜。法式鸭腿配红酒意大利饭：红酒番茄意大利饭入面加左好多杂菌，饭非常香浓、唔会太酸。法式鸭腿非常软霖。仲有D parma ham增加层次感。圣诞老人跌入梳乎厘陷阱：圣诞限定超可爱pancake，个base系佢地最classic既梳乎厘pancake。上面加左士多啤梨cream同有另外上杂莓酱，酸酸甜甜。梳乎厘pancake非常松软。漂浮士多啤梨苏打：士多啤梨梳打唔会好甜都几refreshing，里面漂浮士多啤梨系冻干士多啤梨。人见人爱花茶：里面有茶叶、菊花、士多啤梨、玫瑰、洛神花等等，好香浓、而且好温暖，好适合冬天。