影片
更多
2023-08-13
348 浏览
大家都知我彻头彻尾系一个牛魔王，虽然老婆大人食唔到牛但系佢好锡我成日都会带我去食靓牛肉，今次又请我去一间好正嘅铁板烧，仲同埋两个朋友一齐去食真系好鬼Happy。沙田帝都酒店入面呢间樱田日本餐厅原来我第一次嚟食咋！入面嘅装修好有现代感但又不失传统味道，嚟呢度可以食到日式火锅、寿司刺身、定食，同埋我哋今晚要食嘅铁板烧好多样化。食铁板烧当然坐喺铁板吧枱前面！睇住师傅逐样逐样整出嚟热辣辣咁食落肚先至最高享受㗎嘛。我哋食铁板烧套餐可以用九折叫樽装清酒，钟意㗳返两杯嘅我梗系死唔蚀底啦。有清酒饮叫番两个小食送下酒先！叫咗枝豆同埋烧鸡泡鱼干两样用嚟送酒都好啱Chanel。我哋今次嚟食8月先推出嘅大分县A5丰后和牛套餐，主菜食嘅全部都系大分县A5丰后和牛，有厚烧有薄烧仲有我同老婆大人食嘅二人套餐好丰富㗎！第一样要食嘅系野菜沙律，啲菜好新鲜加埋啲藜麦呢个沙律真系好鬼健康。跟住我哋每人都有两片吞拿鱼腩刺身，鱼味够浓食落去又冇筋口感好香软。我哋拣嘅三个套餐都做紧激安价，由900蚊起至2100蚊全部都有九道菜，多嘢食到不得了保可以饱到上心口走人。呢晚招呼我哋嘅系Joe师傅够晒高大威猛好有台型。我同老婆大人叫咗大
沙田帝都酒店入面呢间樱田日本餐厅原来我第一次嚟食咋！
入面嘅装修好有现代感但又不失传统味道，嚟呢度可以食到日式火锅、寿司刺身、定食，同埋我哋今晚要食嘅铁板烧好多样化。
食铁板烧当然坐喺铁板吧枱前面！睇住师傅逐样逐样整出嚟热辣辣咁食落肚先至最高享受㗎嘛。我哋食铁板烧套餐可以用九折叫樽装清酒，钟意㗳返两杯嘅我梗系死唔蚀底啦。
有清酒饮叫番两个小食送下酒先！叫咗枝豆同埋烧鸡泡鱼干两样用嚟送酒都好啱Chanel。
我哋今次嚟食8月先推出嘅大分县A5丰后和牛套餐，主菜食嘅全部都系大分县A5丰后和牛，有厚烧有薄烧仲有我同老婆大人食嘅二人套餐好丰富㗎！第一样要食嘅系野菜沙律，啲菜好新鲜加埋啲藜麦呢个沙律真系好鬼健康。
跟住我哋每人都有两片吞拿鱼腩刺身，鱼味够浓食落去又冇筋口感好香软。
我哋拣嘅三个套餐都做紧激安价，由900蚊起至2100蚊全部都有九道菜，多嘢食到不得了保可以饱到上心口走人。
呢晚招呼我哋嘅系Joe师傅够晒高大威猛好有台型。
我同老婆大人叫咗大分县A5丰后和牛、活澳洲鲍鱼御膳二人前，第一样就系激生猛嘅铁板烧活澳洲鲍鱼。
Joe师傅三扒两拨就将一只超大的澳洲鲍鱼解体！切成薄片之后摆返去鲍鱼壳入面仲好鬼浪漫咁送我哋两朵玫瑰花，然后着晒火咁上枱真系好鬼打卡。鲍鱼片烟韧蛋牙味道鲜美，同埋鲍鱼真系大只得太过分我哋过足鲍鱼瘾。
然后我哋仲有铁板烧比目鱼食，师傅将鱼皮起咗出嚟跟住烧到脆卜卜食落去好似薯片咁香喷喷，加埋好有质感嘅比目鱼肉好味㖞。
朋友就叫咗呢一个大分县A5丰后和牛厚烧御膳一人前，基本上菜式有部份系一样嘅唔同嘅就系两个海鲜，佢就有呢个铁板烧车海老同埋铁板烧活扇贝。
另外一位朋友就食呢个薄烧A5丰后和牛御膳一人前套餐，佢嘅海鲜就系活乳龙虾同埋蛏子，不过今晚冇蛏师傅改派咗鹅肝上场。
终于等到我最期待嘅铁板烧大分县A5丰后和牛，我哋嘅二人套餐可以拣薄烧或者厚烧，我就拣咗有咬口嘅厚烧A5丰后和牛。
未烧牛肉之前师傅整咗南瓜、翠玉瓜同埋粟米芯，钟意食蔬菜嘅老婆大人睇到眼都唔眨。
师傅呢一嘢超级劲火焰烧牛肉真系好好睇！其实除咗好睇加咗酒落去牛肉都会零舍香口好味。
呢件厚切嘅大分县A五丰后和牛真系烧得好香嫩，牛肉味超级浓郁食落去好香但系又唔会觉得肥腻！系我近来食过嘅和牛之中头一两位。
薄切另外有佢嘅魅力你知啦有好多人怕啖啖肉㗎嘛！呢个就喺牛肉中间包咗啲香葱同埋蒜片，食落去唔会好似厚切牛肉咁劲油份。
唔食牛嘅老婆大人就可以转呢个日本豚肉薄烧，佢话呢个豚肉味都好唔错㖞。
食到呢度老婆大人都已经投降咁滞！师傅继续帮我哋煮呢个铁板烧烟肉樱花海老炒饭。
炒饭香喷喷咁送嚟整到一粒粒咁好爽身，入面加咗咸香嘅樱花虾食落去好惹味。
味噌汤入面仲有好多海鲜，比我平时饮嘅面豉汤多咗好多鲜味出嚟！仲有铁板烧炒野菜煮得好香口又冇豆腥味好食呀。
呢个餐嘅甜品系日本雪糕，食完热辣辣嘅铁板烧之后食个冻冰冰嘅雪糕真系好爽呀。
樱田日本餐厅 电话：26943810
地点：沙田白鹤汀街8号帝都酒店3楼
张贴
