大發粥粉麵

营业中

休息中

话说2月4日响铜锣湾香港大球场睇完波，因为牙肉肿痛上火，咁就同老婆去咗呢度食碗粥，坐低叫咗两个粥同萝卜糕，食到一半见到张餐牌原来绿荳沙，但食完碗粥同萝卜糕之后已经几饱，再食唔落其他，之后一心念住叫个绿荳沙外卖番屋企下吓火，第一次隐约听见厨房入面同阿姐讲话无，之后以为阿姐无咗件事因为几分钟都未到，再隔多一阵念住埋单同阿姐讲仲有个外卖绿荳沙未到，之后有个阿姐扮儍行埋嚟话无冻，得番热嘅绿荳沙，我同老婆confirm佢讲咗几次一定系讲紧绿荳沙！咁无耐接受个热嘅念住番到屋企都变冻啦，点知攞完个外卖搭紧巴士途中望一望个碗居然系”红”荳沙嚟！有无搞错！一碗十几蚊嘅绿荳沙都要搞到咁唔老实，变相静静鸡迫人要个红荳沙！卖晒咪话卖晒啰，夹硬整个红荳沙落去唔系嘛？！真系以后唔驶旨意再帮衬！！！无下次！！！