洋食商店 (喜遇)

营业中

休息中

答应咗外甥女考完试请佢食大餐，佢拣咗呢间位于长沙湾嘅「洋食商店」。门外已经感受到浓烈嘅日本风情，呢间西日居酒屋好多打卡位，包括美食都好值得打卡。点咗个「极黑牛颈脊寿喜烧炖饭」2人餐，先嚟个牛肉火锅，店员仲会响你面前制作寿喜烧，牛肉片好嫩滑，加上特制嘅浓汤，滚起嚟汤头好香。食完个锅仲有个烧炖饭，超浓郁嘅黑松露香味，加忌廉即煮埋比你享用，足有2碗咁多。剌身并盘样样都超鲜甜味美，仲要件件都唔细件，摆盘又靓，又好睇又好食。小食选择咗鸡亦同玉子烧，鸡亦入味，肉质嫩滑，玉子烧上面加咗明太子酱烧，香甜得嚟有好轻微嘅辣味，加埋蟹子，口感丰富。最后，点埋个超级靓同好食既泡冰，非常适合依家咁炎热既天气享用。