影片
更多
2024-06-27
31 浏览
最近在网上见到呢间彩羽寿司家嘅Omakase好吸引，就约咗好友一齐去试下！呢度一共两款omakse，分别为：「葵」（$480）及「椿」（$880），来之前做定功课，知道「椿」可以食齐餐厅多款名物，所以毫不犹疑就点咗啦!「椿」包含：前菜2款、日式蒸蛋、刺身4款、串烧5串／和牛寿喜烧、寿司6件、吸物及雪花刨冰，食物多样化，数量都多，性价比整体好高!!!一坐下就送上渍物及鳕鱼片。前菜：黑梅贝、北海道白粟米、水蕃茄黑梅贝而家时令，口感弹牙，食到贝嘅原味。北海道白粟米好甜好多汁，日本水蕃茄甜度好高，带有果香！呢三款前菜都打开味蕾！刺身：真鲷味道淡雅怡人，咀嚼嘅时候渗出甘甜，刨上青柠丝令味道更为清新。大分县真蚝大分县真蚝肉质厚身饱满，边位带脆，师傅加上黑松露酸汁，平衡咗真蚝嘅奶油感。富士山木三文鱼烟雾弥漫嘅一道刺身！三文鱼烟熏味香，入口即溶！𩽾𩾌鱼肝泡芙𩽾𩾌鱼肝食得多，放入泡芙真系唔多地方有得食！香脆嘅曲奇泡芙内注满脂香嘅𩽾𩾌鱼肝酱，一啖咬落去，味道及口感都双重满足！日式蒸蛋加入菇菌、蚬肉、带子等，鲜味十足。寿司：带子带子肉质软嫩，味道鲜甜，师傅加少少青柠汁，味道清新。沙甸鱼 沙甸鱼属鱼味较重嘅鱼
「椿」包含：前菜2款、日式蒸蛋、刺身4款、串烧5串／和牛寿喜烧、寿司6件、吸物及雪花刨冰，食物多样化，数量都多，性价比整体好高!!!
一坐下就送上渍物及鳕鱼片。
前菜：黑梅贝、北海道白粟米、水蕃茄
黑梅贝而家时令，口感弹牙，食到贝嘅原味。北海道白粟米好甜好多汁，日本水蕃茄甜度好高，带有果香！呢三款前菜都打开味蕾！
刺身：真鲷
味道淡雅怡人，咀嚼嘅时候渗出甘甜，刨上青柠丝令味道更为清新。
大分县真蚝大分县真蚝肉质厚身饱满，边位带脆，师傅加上黑松露酸汁，平衡咗真蚝嘅奶油感。
富士山木三文鱼烟雾弥漫嘅一道刺身！三文鱼烟熏味香，入口即溶！
𩽾𩾌鱼肝泡芙
𩽾𩾌鱼肝食得多，放入泡芙真系唔多地方有得食！香脆嘅曲奇泡芙内注满脂香嘅𩽾𩾌鱼肝酱，一啖咬落去，味道及口感都双重满足！
日式蒸蛋加入菇菌、蚬肉、带子等，鲜味十足。
寿司：带子
带子肉质软嫩，味道鲜甜，师傅加少少青柠汁，味道清新。
沙甸鱼 沙甸鱼属鱼味较重嘅鱼类，配搭黄瓜丝，好好嘅平衡！
炭烧竹签鱼竹签鱼用炭火直接在外皮炭烧，肉质爽口，味道亦多咗层炭火香，鱼味更加提升！好食！
昆布海胆 海胆鲜甜creamy，铺薄薄嘅昆布渍好有惊喜！
拖罗拖罗入口即溶，肥美油润！
彩羽太卷（+$250）每枱必追加嘅招牌菜！一直知道东京有七龙珠卷，超级打卡，未有机会去日本亲试，所以知道香港依家有得食好开心！太卷材料丰富，包住酱油渍蛋黄、海胆、拖罗、赤身及青瓜，好满足！
寿喜烧 / 串烧（我同好友各点一款试吓）和牛寿喜烧
和牛口感细腻，入口即溶，寿喜烧汁甜甜地，好惹味。
串烧拼盘有大虾、鸡翼、冬菇、豚肉、青椒仔，每款都烧得啱啱好，juicy唔干身，调味唔会太重手，食到食材嘅原味！
鱼汤好出色！熬至奶白色，好鲜甜好足料！
雪花刨冰是晚另一重点！餐厅购入大型复古风日式刨冰机，喺客人面前即席制作，望住刨冰嘅过程好疗愈呢！餐厅都好重本咁用上京都贯目冰，水质清澈带甜，刨出来嘅刨冰如雪花般细腻，唔会有任何冰感，好好食！呢个刨冰仲会另外有menu提供，可以拣选自己钟意嘅口味，好多都好吸引，拣嘅时候真系心大心细！！！！拣咗期间限定嘅日本白桃味，除咗刨冰内有足够嘅水蜜桃浆，确保由头食到尾都有浓郁嘅水蜜桃味之外，师傅仲喺刨冰面挤上香滑嘅奶盖及放上新鲜日本白桃肉，味道清新又透心凉，大爱！
题外话/补充资料：
openrice订位有85折！
(以上食记乃用户个人意见 , 并不代表OpenRice之观点。)
张贴
