豐信餃子店

营业中

休息中

平日晚市6点半到埗，前面有7张票，大概等左30分钟就有位。餐厅环境唔大，但胜在食客大概食30分钟，除左煎饺需时，其余食物落完单，都好快有得食。紫甘蓝粟米饺($38)，汤底冇味精，清甜唔油腻，饮哂完全冇问题。饺子7大只，只只饱满。尼款较少见，饺子非常鲜甜，咬落有爽脆口感，仲好多汁。韭菜饺($38)，不过不失，一样大只爆馅。个人觉得紫甘蓝口味更胜一筹，其他饺子亦好值得试。小食凉拌皮蛋($20)，皮蛋蛋黄绵密，不过蛋黄同皮蛋透明层较易分离，有dd散开。不过黑醋味浓郁，开胃。罗汉果甘草茶($10)，一大枝，回甘味重，清热一流，仲好抵饮。整体，好值得排队食，由汤底至饺子馅都好出色，有机会一定要叫佢既特色少见饺子，以及小食。