囍源古早蛋糕 (已結業)

依两年古早蛋糕越来越多选择😆 今次就试左深水埗既囍源🥰 星期日下午5点几去到，佢地已经落左半闸😱 一问之下原来佢地既蛋糕系即日整👍🏻 卖晒就无😆 我拎既过程都有几个人黎问，真系好受欢迎❤️店舖既老板好好人👍🏻 好认真同详细咁介绍，佢地同其他舖头有咩分别🥰 听完先知原来有咁大分别😆 佢哋既蛋糕系用左水浴法，即系隔水烘烤个蛋糕，要2-3个钟先整好一底😱 咁样可以令到蛋糕唔会㶶底㶶边👍🏻 仲可以保持湿润，重点就系佢地仲少油少甜，相对比较健康💪🏻
海盐焦糖脆脆肮脏面抹茶流心朱古力🍰蛋糕面头做左肮脏面🍫 铺满咗好多朱古力粉、彩针朱古力同埋朱古力脆脆😍 抹茶蛋糕中间夹住左层朱古力酱，朱古力味好浓😋 加埋淡淡抹茶味，同面头既海盐焦糖味，口感几丰富，又唔会话好甜😊朱古力酱肮脏面Mocha☕️咖啡控应该会钟意依款☕️ 蛋糕面头同样做左肮脏面🍫 咖啡同朱古力味道几Balance，蛋糕一样咁湿润松软，同埋好足料😊蛋糕口味超越多种❤️ 如果大家想买最好预订左先，佢地可以用Openrice, Whatsapp或者社交平台 预订，咁就唔洗摸门钉啦😊