貴緣小鍋米線 (和富)

营业中

休息中

平时好少食米线嘅我，今日食完呢间<贵缘小锅米线>之后，真系真心爱上咗呢度嘅蕃茄汤底同醉鸡汤底米线，真系足料大碗又好食！！<酒煮醉香鲜鸡猪软骨红薯粉另外加配甜酸斋>醉鸡汤底带有微微嘅药材香味同埋酒味，入口清甜。醉鸡份量好多，都有5、6件，而且旧旧都有好多肉，鸡肉都非常之嫩滑。猪软骨炆得非常之入味好食。甜酸斋酸酸甜甜，好好味！红薯粉入口软糯而带点Q弹的感觉，同汤底好夹。<特浓新鲜蕃茄汤米线配猪软骨、腩肉、手打鱼腐>超浓郁的蕃茄汤底入面有大大旧新鲜蕃茄，汤底好鲜甜。猪软骨有半只手掌咁大旧，而且非常之厚肉，炆得够淋。腩肉肥瘦适中，入口带少少微辣，非常好味。手打鱼腐胀卜卜，大大旧，吸收晒蕃茄浓汤嘅精华，咬落去有爆汤嘅感觉。小食叫咗蒜泥鸡丝山，呢个蒜泥鸡丝山来到原来非常之多鸡肉，配合埋蒜蓉香味浓厚而带点微辣嘅酱汁，充满惊喜。