潮薈館

营业中

休息中

潮州菜新尝试😎咩嘢系我第一次食？系普宁豆腐呀！本身想点椒盐豆腐不过话晒食潮州菜 店长即刻介绍有普宁豆腐外层𠮶炸粉好脆好轻身超好食本身系比较淡身配埋中间碗葱盐水食就即刻吊返个豆腐味出嚟卤水鸭拼盘超巨型嘅拼盘 性价比超高有鸭翼鸭件红肠豆腐鸭蛋啲鸭肉好入味豆腐就重豆香够实净油盐水浸花甲花甲嘅份量好慷慨 冇沙放心大啖大啖食有好多芹菜胡椒其实个汤都好好饮啲粉丝就吸收晒啲鲜味仲有瑶柱金菇扒菜心个芡汁做到好有镬气用嚟捞饭一流 菜心好腍好清甜呢度一共有两层不过去到八点都已经座无虚席想食就记得订位啦装修好有格调原来呢间店之前喺长沙湾嘅搬咗嚟九龙城四个月见有好多熟客特登过嚟帮衬