Sol House Oyster Bar and Restaurant

今日同朋友出去荃湾行街，行行下已经到lunch hour！我哋即刻揾吓附近有咩食！咁啱俾我地见到有间唔错嘅西餐厅😍，所以决定入去医肚！呢间餐厅嘅格调唔错！好有mood，轻轻松松，俾人一种好舒服嘅感觉！慢煮烧烤酱猪肋骨配沙律菜，薯条，因为慢煮嘅关系，所以🐷猪肋骨特别入味，而且肉质好腍。加埋沙律菜同薯条🍟，啱啱好中和返猪肋骨嘅浓郁味道！非常好食😋。香煎日本北海道刺生带子配南瓜汁意大利饭，带子劲大粒，两边煎到少少㶶，外边少少脆！食落去鲜甜美味😍！意大利饭就索晒南瓜🎃嘅味道。非常入味，呢个配搭真系冇得输！🤤西班牙海鲜煲，非常惊喜嘅一个菜式😍！入面嘅材料非常丰富，分别有辣肉肠，白豆，蚬，圣子，虾，青口，带子！全部食材都好新鲜👍🏻！而且有浓浓嘅海鲜味！好食到停唔到！