龍鳳店

营业中

休息中

夜晚收工，特登走去元朗旧区呢间驰名既炒蛋店食下。呢期传媒都不断有报道，咩新假期呀、果籽呀...作为个「蛋控」，一定要去食下啦！间舖得一两张枱，所以我都唔打算堂食而外卖走。本来想叫期待已久既鹅肝炒蛋治，当时得一个姐姐，佢话卖晒鹅肝了，就问我试唔试大啡菇蛋治。见餐牌无，可能系d隐藏menu，我就话好。出面系条窄既行人路，企位唔多，我都系企系隔离地产舖度等外卖。等左15分钟，唔算快又唔算耐，就拎得了。返到梗系马上试食！个蛋炒得超靓！又细又滑，入口即融。黑松露都系果只味。大啡菇同蛋都几夹，有咬口。炒蛋入面既面包湿湿软软，好正。但当然唔系个个中意湿面包，我就ok既。加多廿蚊叫左个又系好多媒体报导既冻伯爵奶茶，佢都系系舖头个雪柜雪好左一支支咁拎出黎。味道个人觉得好一般啦，唔洗试都得，同普通餐厅无分别，又有d贵。