Mata Japanese Cuisine

营业中

休息中

今日去咗长沙湾后街，估唔到长沙湾而家多咗咁多嘢食，喺长沙湾广场无意中发现一间日式餐厅食物质素非常高，所以好值得喺度推介一下。Maya Japanese Cuisine 餐厅喺长沙湾广场3楼308号舖，入到去装修好有日式风情，气氛好有格调，每一件食物好精致，睇得出厨师系好用心制作。吉列黑豚猪扒配秋田小丁米饭，猪扒饭餐跟咗两个前菜酸萝卜，牛舌海苔。吉列猪扒炸到好香，外面金黄色入口口感脆卜卜，最正就系猪扒肉质好嫩，食落去好Juice，猪扒带少少脂肪，食落去特别香口。好钟意食旁边个椰菜，味道都好清新，小丁米饭比一般日本饭更加烟靭。黑蒜油叉烧拉面，拉面卖相好吸引，有两大片叉烧，海苔，粟米，芝麻。拉面软硬度适中，入口面身比较弹牙，黑蒜油味道好突出，令到叉烧嘅味道更加有层次。呢个拉面绝对系有惊喜。每一个餐都跟餐厅自家制嘅曲奇饼，曲奇饼非常，香口，花生味香浓，好松脆。好味到忍唔住买咗少少返屋企食。最后点咗咖啡酒配曲奇饼，估唔到两样嘢味道可以咁夹。咖啡带少少甜香配曲奇饼真系一绝。