盈苑海鮮酒家

营业中

休息中

今日有屋企人系外地返香港，夜机返，所以一下飞机将行李放好系我屋企，我地就系区内揾野食。难得从外地返来，第一餐当然要食海鲜酒家啦！我之前一直都想去呢间开张无耐嘅海鲜酒家，而且见到依家有做紧炭香窑烧鸡套餐优惠，$238就可以包一只窑烧鸡同八选一款精选小菜。呢个我地都用左好耐时间选，因为知道呢到嘅冰镇咕噜肉好出名，但朋友话想食海虾，所以最后都系叫左白灼海虾，超大一只，有好多只，而且好新鲜脆口！窑烧鸡内用左rosemary同香料，所以分外香，一剪开超多汁爆juicy，而且外皮脆到飞起，朋友真系赞不绝口！刚下飞机当然要有糖水滋润下啦，今日嘅丰料养生炖汤系响螺鸡汤，饮落清甜唔油腻，好补身！来得香港当然要叫深海龙趸两味，今次煮法包括金银蒜蒸龙趸头腩同埋翡翠炒龙趸球，两种食法都超好食，鱼肉厚身，口感一流，一上台好快就清货。本来都想试下几代相传嘅烧味部大师傅嘅功架十足，因为睇中脆皮烧鹅皇同叉烧，不过真系太饱，唯有下次再食！