影片
更多
2019-04-10
198 浏览
女友生日鮮花一束不能少，跟住燭光晚餐，年年如是冇乜 新意，好似例行公事咁， 今次一於做足功課，上網揾到哩間喺元朗嘅好似好正咁，「廚師發辦亅朋友都話你試過就知！女友未試過，俾啲驚喜佢！ 於是訂好位，帶同女友保持神秘，去到元朗经過一個小遊樂場，喺仁樂街一個轉角位，灰色牆身嘅日本料理店。 友人話原來哩類高級料理店通常都係遠離 煩囂嘅環境開設嘅。 準時入座，待應好親切招呼我地坐底送上熱茶同今晚為我哋準備嘅菜單，一張圍住廚房嘅吧枱，兩位大師已經喺度處理緊食材。哩個時候女友先意識到係食好野！心情好興奮！佢話好似身置日本咁！ 睇下菜單～今晚有時令嘅食材刺身同寿司，湯，海胆等。首先，茶碗蒸 好好味，有好滑嘅蛋，瑤柱，菇，上面透明色加綠綠地好似係海藻，更加搶眼嘅係有金泊架，好名貴！接住廚師每一道食材都會好有禮貌咁介紹產地，食法，食材嘅特性……等等。 刺身；章虹魚，肉質好細緻嫩滑！上面加左啲微微酸柚子， 檸檬汁之類嘅醬汁好清新！仲越咬越出鮮味！深海池魚係銚子港出產嘅，外皮灼過包住芽葱，有柚子嘅清新香氣又有油脂香！長崎嘅蠔好爽嫩，鮮甜！拖羅肉質好粉紅得好靚，甘香鮮甜嫩滑！尤魚廚師話係時令食材
今次一於做足功課，上網揾到哩間喺元朗嘅[鮨文]好似好正咁，「廚師發辦亅朋友都話你試過就知！女友未試過，俾啲驚喜佢！
於是訂好位，帶同女友保持神秘，去到元朗经過一個小遊樂場，喺仁樂街一個轉角位，灰色牆身嘅日本料理店。
友人話原來哩類高級料理店通常都係遠離 煩囂嘅環境開設嘅。
準時入座，待應好親切招呼我地坐底送上熱茶同今晚為我哋準備嘅菜單，一張圍住廚房嘅吧枱，兩位大師已經喺度處理緊食材。哩個時候
女友先意識到係食好野！心情好興奮！佢話好似身置日本咁！
睇下菜單～今晚有時令嘅食材刺身同寿司，湯，海胆等。
首先，茶碗蒸
好好味，有好滑嘅蛋，瑤柱，菇，上面透明色加綠綠地好似係海藻，更加搶眼嘅係有金泊架，好名貴！
接住廚師每一道食材都會好有禮貌咁介紹產地，食法，食材嘅特性……等等。
刺身；
章虹魚，肉質好細緻嫩滑！
上面加左啲微微酸柚子， 檸檬汁之類嘅醬汁好清新！仲越咬越出鮮味！
深海池魚係銚子港出產嘅，外皮灼過包住芽葱，有柚子嘅清新香氣又有油脂香！
長崎嘅蠔
好爽嫩，鮮甜！
拖羅
肉質好粉紅得好靚，甘香鮮甜嫩滑！
尤魚
廚師話係時令食材，哩個月先有，好肥美！爽口！簡單兩件尤魚用左個金色湯碗裝住，即時變得好華麗！
凡立貝天婦羅
又香又脆又鮮！
拖羅
今次係食更肥美部位嘅 ，用左火搶燒灼，啲油滲左出來滿口油香配埋生磨嘅山葵茸些少辛辣好有口感！
女友話末食過甘肥美嘅拖羅！
跟住再食埋拖羅筋，末食過，吞拿腩嘅最下面，用火燒完好有油香！
食到咁上下，廚師會同大家講下笑飲下酒，連待應都係，氣氣好和諧！好舒服！佢地真係好尊重每一位食客
，不停咁為我地酙茶，所以女友感覺如同喺日本咁！
沖繩 阿古豬
嫩，甜甜肉味！賣相靚到唔 捨得拆散來食！
鳥貝
一年只有四月份先食到，活生生放喺碟不停咁舞動！
入囗好鮮甜爽囗！
金目鯛壽司
本來我唔食壽司嘅，主要係怕食醋嘅氣味同酸味，但廚師話佢地用左三年嘅醋啲酸嘅氣味會揮發左嘅，於是我第一次咁開始嘗左第一件配上西伯利亞黑子嘅金目鯛壽司，果然，鲜味加甘香絕配呀！一啲酸味同醋嘅怪味都冇， 顛覆咗我對醋嘅觀念！
馬糞海胆壽司
廚師一啲都唔吝嗇，堆到好滿好滿！佢教我地用手两邊托住，好似飲酒咁放入口，真係食得好痛快！鮮甜味喺口度揮之不散！
喜知次壽司，油 撈飯手捲
魚嘅肥美令壽司，手捲更美味！
廚師好細心，俾埋張紙巾我地，因為啲油多到會滴出來！
食完馬糞海胆再有赤海胆出場，女友心情既開心又興奮
赤海胆更加鮮甜，純滑！
太刀魚～
好嫩滑，上面加左黑松露好幽香！
湯～
用左蝶魚嘅鰭， 裙邊 淆成湯
好香濃！
最後係一件清香嘅靜岡蜜瓜，好清甜！
最甜都係女友，佢話～
今次嘅OMAKASE勝過以往嘅燭光晚餐！
成晚嘅過程感受到廚師對客人嘅禮貌同 尊重。
好欣賞佢地出色嘅手藝！臨離開我哋都以茶代酒，向兩位廚師致敬，感謝佢地嘅禮待！
张贴
