影片
更多
2023-09-27
2523 浏览
今次呢餐饭就劲啰！老婆大人带咗我去太古广场𠮶间Auntie AYI入面嘅贵宾室，呢间神秘嘅贵宾室个名叫做䭘，读书唔成嘅我真系见都未过呢只字。 打开房门入面好似宇宙一样咁靓，入边得一张大枱只可以坐10个人，呢晚我哋10个老友记一齐食呢餐饭真系好开心。 坐低咗之后先有一杯花雕酒叹吓，味道都好香醇好嘢嚟㗎！ 跟住就有把靓声欢迎我哋然后就开始介绍我哋食嘅宋朝8味菜，除咗有把声之外墙上面同埋枱面同时都会有投影，今日我哋食嘅传统正菜就由佢哋介绍俾我哋。 第一味菜系开封府~山海兜，呢个菜嘅装饰系用咗3D打印整咗个包青天像真系好鬼精美，至于个𩠌呢其实就系面筋加埋一啲竹笋、鲜菇、龙虾肉同埋带子，一啖食落口好鬼烟靭加埋炒得够香嘅菜同埋海鲜系好味嘅。 跟住落嚟呢个宋嫂鱼羹就更加正斗，呢碗汤羹入面有笋、鲜菇同埋鲜鱼，个汤底鲜甜好加埋有咬口嘅笋、冬菇劲好饮。 第三味系蟹酿橙好耐以前食过一次印象麻麻地！所以我都系叫朋友帮手食咗佢好啲，不过见到入边有好多大闸蟹粉、大闸蟹肉，如果钟意食大闸蟹应该会好钟意呢个蟹酿橙。 嚟紧呢个系二十年陈花雕海上鲜，足足有两斤半重嘅清蒸东星斑上枱嘅时候会淋啲汤落去，鱼肉蒸得
坐低咗之后先有一杯花雕酒叹吓，味道都好香醇好嘢嚟㗎！ 跟住就有把靓声欢迎我哋然后就开始介绍我哋食嘅宋朝8味菜，除咗有把声之外墙上面同埋枱面同时都会有投影，今日我哋食嘅传统正菜就由佢哋介绍俾我哋。 第一味菜系开封府~山海兜，呢个菜嘅装饰系用咗3D打印整咗个包青天像真系好鬼精美，至于个𩠌呢其实就系面筋加埋一啲竹笋、鲜菇、龙虾肉同埋带子，一啖食落口好鬼烟靭加埋炒得够香嘅菜同埋海鲜系好味嘅。
跟住落嚟呢个宋嫂鱼羹就更加正斗，呢碗汤羹入面有笋、鲜菇同埋鲜鱼，个汤底鲜甜好加埋有咬口嘅笋、冬菇劲好饮。 第三味系蟹酿橙好耐以前食过一次印象麻麻地！所以我都系叫朋友帮手食咗佢好啲，不过见到入边有好多大闸蟹粉、大闸蟹肉，如果钟意食大闸蟹应该会好钟意呢个蟹酿橙。
嚟紧呢个系二十年陈花雕海上鲜，足足有两斤半重嘅清蒸东星斑上枱嘅时候会淋啲汤落去，鱼肉蒸得火候啱啱好加埋啲脆米、莲子同埋薏米仲有啲花雕酒嘅香，味道真系好丰富鱼痴一定like。
食到呢度原来仲有游戏玩，侍应呢个时候递上骨牌游戏咭，我哋每人抽一只之后计埋庄家侍应𠮶只牌，最大同最细𠮶两只分别都可以有杯茅台，输咗𠮶个梗系要自队啦！赢咗𠮶个可以拣自己饮又可以俾人饮好过瘾！最后我系要饮嘅大家估下我系赢定系输家哈哈。
饮完茅台跟住嚟呢味菜系苏轼慢煮东坡肉，浓油赤酱嘅味道梗系引死人啦，加埋件东坡肉煮得够晒化配埋个口饭劲无敌啊。 继续行军打仗因为我哋要食呢味𩠌系岳飞将军熏烤全鹅，呢只烟熏鹅味道好鬼浓郁啱晒钟意重口味嘅朋友，除咗鹅肉之外仲有埋内脏好似有鹅肝、鹅肠同埋鹅肾，夹埋个蝴蝶包一齐食可以解油腻又会饱肚啲。
讲到饱肚呢一个祯州鳆鱼油泼鱼儿食埋就一定够饱，个鲜鱼面好爽口好弹牙，加咗只椒盐鲍鱼即刻矜贵咗唔少。
嚟到最后一味菜即系食甜品嘅时候！呢一个叫做酒香酥黄独其实系芋蓉包住啲酒香朱古力，两样都系老婆大人最钟意嘅佢梗系食得好开心啦！ 仲有一杯叫做送客汤原来入面有油甘草、莲子同埋蜂蜜，饮落去有啲甘又有啲甜从来都未饮过呢个味真系好过瘾。
呢个宋朝八个菜嘅晚餐盛惠每位$1299，每晚只做一场同埋最多都系做10个客，想食嘅唔该早啲订位喇。
张贴