亞參雞飯 (已搬遷) 新店位置

行街行到饿饿地，误打误撞行咗入呢间入口非常隐蔽嘅餐厅，仲食咗个十分抵嘅鸡丝汤河做下午茶餐。喺雅兰中心呢个旺角比较黄金嘅地段，38蚊真系好实惠。不过餐厅嘅下午茶餐亦只有鸡肉汤河呢一个选择，仲会随餐附赠餐饮一杯，今次我就饮热柠檬薏米水。味道方面，虽然汤底望睇去好黄好浓咁，但其实汤底比较淡，冇咩鸡嘅鲜味，所以配埋河粉味道都系十分一般。鸡肉都系冇鲜味嘅雪藏鸡味，所以整体成碗粉都系冇咩鲜味，好一般。如果只求填饱肚就可以，但想追求味觉享受就唔推荐。最好味嘅我觉得系杯薏米水，甜甜地，入面好多薏米，比足料，啱晒湿重嘅香港人。不过值得一提嘅系，佢嘅餐具有污积，我抹咗好耐先干净，怕污糟嘅朋友要注意。整体黎讲，由味道到用餐环境我都唔会再encore呢间嘢。