影片
更多
2023-04-12
315 浏览
而家打边炉都几难揾到一间可以任饮任食又冇限时呀! 服务正, 有靓景, 望维港夜景, 咁好咁舒服嘅店舖, 啤酒, 白酒, 红酒都可以任饮㖞! 仲要地点系铜锣湾闹市㖞! 哼… 终于比我揾到啦. 系金朝阳中心2期29楼呀! 放工仲约埋三五知己一齐聚下咩!任食美国安格斯Prime Grade牛颈脊套餐 - $418 (星期日至四)呢个套餐真系抵食呀, 钟意食牛嘅朋友一定要拣呢个。唔只牛肉靓, 仲可任食, 套餐包好多食物, 有前菜, 主菜, 加钱食埋时令海鲜并盘, 肉类, 特选手工火锅并盘, 手工即炸响铃卷并手工即炸海苔咸蛋黄鱼皮, 无限追加精选火锅配料, 无限追加所有饮品, 仲有甜品 (酱料每位$30, 另收加一)前菜台湾直送配料, 手工蒜泥口水手撕鸡(微辣), 秘制麻辣木耳。两款都好开胃小食, 等开炉时一边倾, 一边食, 啱哂!主菜有辣有不辣, 有海鲜, 有肉类, 接近有20款唔同组合嘅汤底。我地拣咗最多人叫嘅冬瓜卜卜蚬海鲜锅, 一锅有埋瓜菜又有海鲜, 超正。锅里放满好多红枣同松虫花, 好似养生中汤咁, 中间有个环形冬瓜盅放满卜卜蚬。 冬瓜盅配海鲜, 令到个汤底好鲜甜, 未打边炉都已经饮了
任食美国安格斯Prime Grade牛颈脊套餐 - $418 (星期日至四)
呢个套餐真系抵食呀, 钟意食牛嘅朋友一定要拣呢个。唔只牛肉靓, 仲可任食, 套餐包好多食物, 有前菜, 主菜, 加钱食埋时令海鲜并盘, 肉类, 特选手工火锅并盘, 手工即炸响铃卷并手工即炸海苔咸蛋黄鱼皮, 无限追加精选火锅配料, 无限追加所有饮品, 仲有甜品 (酱料每位$30, 另收加一)
前菜
台湾直送配料, 手工蒜泥口水手撕鸡(微辣), 秘制麻辣木耳。两款都好开胃小食, 等开炉时一边倾, 一边食, 啱哂!
主菜
有辣有不辣, 有海鲜, 有肉类, 接近有20款唔同组合嘅汤底。我地拣咗最多人叫嘅冬瓜卜卜蚬海鲜锅, 一锅有埋瓜菜又有海鲜, 超正。锅里放满好多红枣同松虫花, 好似养生中汤咁, 中间有个环形冬瓜盅放满卜卜蚬。 冬瓜盅配海鲜, 令到个汤底好鲜甜, 未打边炉都已经饮了半碗汤啦。
时令海鲜并
有珍宝美国桶蚝, 游水大海虾, 马刀贝, 卜卜大蚬, 原只鲍鱼。但我地见到原本个餐都好多野食, 怕食唔哂, 最后冇叫。
肉类
可选美国安格斯Prime Grade 牛颈脊, 或者西班牙伊比利亚黑毛猪肉。我地选咗美国安格斯Prime Grade 牛颈脊, 手切牛颈脊肉, 每块都系完整冇断裂嘅, 厚度又适中, 肥瘦适中, 色泽红润, 牛味同口感都好好。滚一滚即食, 又唔”嚡”, 都几香牛肉味, 要追加。
101特选手工火锅拼盘
有墨鱼汁乌结糖, 太极冬菇, 黑松露蟹子海鲜军舰 (豆卜酿黑松露蟹子鱼滑), 三重芝士鲜制虾丸。手工拼盘全部都几特别, 我几钟意佢嘅三重芝士鲜制虾丸, 又爽口又弹牙, 爆酱芝士, 好正呀! 打边炉会乌结糖? 非也…. 只系墨汁胶, 做到好似粒糖咁。墨鱼汁乌结糖, 虽然样子黑色的唔吸引, 但原来一食落去系墨汁墨鱼滑啲口感仲有超爽弹, 中间微微有些爽口墨鱼粒, 好有口感呀!
手工即炸鱼皮响铃
炸鱼皮, 炸超大响铃, 口感轻薄松脆,, 又香, 不放汤都好味。海苔咸蛋黄鱼皮, 超重咸蛋黄味, 脆卜卜, 系咁食好正, 佐酒都一流呀!
精选火锅配料, 所有饮品就用电话自己落单, 都有几十款配料系任食, 部分食材仲要系台湾直送, 手工鱼滑肉丸, 手工饺子, 蔬菜及粉面类嘅菜式都有, 配料嘅份量都系一份有三件。老实讲, 食咗个汤锅主菜, 前菜, 肉类及手工即炸鱼皮响铃都已经饱咗大半啦。我地再叫咗其他手工配料, 有娃娃菜, 章鱼饼, 花枝丸, 鱼皮饺, 墨鱼春卷, 浓汁牛丸, 手工安格斯牛肉丸, 帆立贝等都已经好满足了。
仲有超多款巨型台式特饮任饮, 饮品推介可乐乌梅沙冰, 我叫咗雪碧乌梅沙冰, 酸酸甜甜好解腻, 好大杯, 好特别, 好饮! 朋友叫咗巨峰提子水果冰茶, 台式水果冰茶真系好饮。另外见到其他客叫咗啲盘栽珍珠饮品都几特别。红白酒都系任饮呀! 最后我都叫咗杯甜白酒Chateau Pierron Moelleux饮下先, 容易入口, 唔错!
呢个价钱唔限时望维港夜景任食任饮, 食物同饮品都性价比高, 有心思, 真系好抵。见佢lunch时间啲套餐都系$60左右一人一锅, 下次真系要试下呀!
#101手工涮涮锅#铜锣湾美食#铜锣湾#铜锣湾火锅#放题火锅#香港美食#香港小店#食好西#香港食评#hkfood#hkfoodie#hkrestaurant#任饮任食#啤酒红白酒任饮#美国安格斯牛颈脊#台式特饮#手工边炉配料
张贴
