影片
更多
2019-12-06
434 浏览
星期日同阿仔去太子睇中医, 等左鬼咁耐, 饿到肚扁扁, 就求其入左间泰国餐厅食饭, 大约1点坐低, 成间餐厅都冇人, 本身谂住中伏啦, 但睇餐牌既15分钟期间, 有源源不绝既人入左黎, 咁应该都唔差㖞。睇返MENU, 价钱中等兼多样选择, 因为仔仔都要食, 我地都系叫返平常野先。不出10分钟, 所有野已经上哂台!龙眼冰 $18 / 珍多冰 $25唔使两分钟就有饮品, 但因为冇咩特别, 所以唔多说。蒜蓉饱 - $25/3件本身谂住好HEA, 坊间一块块个D, 志在过下口瘾, 点知原来都几大旧! 面包非常软熟, 同时充满蒜香味, 食到停唔到口呀。炸虾饼 $75本身谂住 $75 有D 贵, 但虾饼系必食泰菜之一, 又点可以唔叫呢? 一上到台, 呆左, 因为好大碟!! 热辣辣既外皮香脆可口, 咬落啖啖虾肉, 非常弹牙! 配埋个泰式酸辣汁, 惹味到不得了, 超正, 必食推介! 菠萝炒饭 $60味道正常, 有好多好大旧既鸡肉, $60 抵食!冬荫公炒牛河 $68食哂上面个堆食物都已经饱左9成, 点知最后黎既冬荫公炒牛河先系最大碟! 好经典既泰式煮法, 呢度用左阔河粉, 口感比幼河粉更滑溜。冬荫公汁
龙眼冰 $18 / 珍多冰 $25
唔使两分钟就有饮品, 但因为冇咩特别, 所以唔多说。
蒜蓉饱 - $25/3件
本身谂住好HEA, 坊间一块块个D, 志在过下口瘾, 点知原来都几大旧! 面包非常软熟, 同时充满蒜香味, 食到停唔到口呀。
炸虾饼 $75
本身谂住 $75 有D 贵, 但虾饼系必食泰菜之一, 又点可以唔叫呢? 一上到台, 呆左, 因为好大碟!!
热辣辣既外皮香脆可口, 咬落啖啖虾肉, 非常弹牙! 配埋个泰式酸辣汁, 惹味到不得了, 超正, 必食推介!
菠萝炒饭 $60
味道正常, 有好多好大旧既鸡肉, $60 抵食!
冬荫公炒牛河 $68
食哂上面个堆食物都已经饱左9成, 点知最后黎既冬荫公炒牛河先系最大碟! 好经典既泰式煮法, 呢度用左阔河粉, 口感比幼河粉更滑溜。
冬荫公汁酸酸甜甜, 好味!
但原来唔记得左影相
食物质素可以媲美贵价泰菜, 但价钱只需要一半, 最重要, 系没．有．加．一! 所以感觉更加抵!
张贴
