馬六

营业中

休息中

西湾河大家都会谂起太安楼， 呢度最出名仔多嘢食。 向住鲤景湾𠮶边， 有几间特色食肆。 今日朋友带咗我试试 马六， 佢仲特登约我六点钟之前， 试下呢度超抵食嘅下午茶。睇下个餐牌真系超抵食，大部分套餐都系50蚊以下， 仲可以加少少钱 配沙冰 或者特饮。😍😍😍😍😍我哋拣咗以下呢几样嘢食， 食物分量畀我哋预期中多😚😚😚新加坡喇沙掺掺🍜🌶🍋🦐汤底充满浓浓嘅椰汁 同埋香料味， 记得加埋青柠个汤底就会更加鲜味。 喜欢马来西亚 菜嘅朋友都会知道， 掺掺即系米粉+油面, 真系好钟意呢个咁特别嘅口感。马六无骨海南鸡饭🐥🍚🥒油饭爽口 够咸香， 虽然系下午茶，海南鸡分量也不少， 鸡肉嫩滑， 跟餐酱料亦都跟足传统， 有齐晒姜蓉+辣酱+豉油膏， 真系好味。沙巴烧鸡古法秘酱捞掺掺🍗🌶沙巴烧鸡腌得入味， 外皮炸得香脆脆， 再配埋花生小鱼干 同埋秘制酱料， 非常惹味。另外 加几蚊就可以 饮🍧椰汁冰，🍹鲜柚子沙冰， 卖相好靓，而且啲沙冰打得好滑。呢餐只系食咗百几蚊， 真系非常超值。