鍋匠中日火鍋專門店 (已結業)

同朋友谂唔到食咩，行行下见到有个𡃁妹派传单话出示学生证有全单七折就入咗去了。我地去个日系星期六夜晚，咁岩个日有世界杯睇，佢个电视都播紧，可以一路食一路睇波👍🏻👍🏻舖头环境唔错，几新净，应该系岩岩开既。当晚人唔系好多，成个场大约full咗一半，所以都坐得几舒服。我地嗌咗个火锅连刺身，啲刺身份量黎得好足，虽然种类唔多，但都已经够晒数👍🏻睇落去都几新鲜，呢个价钱算系咁。个火锅汤底我地拣咗清清地既猪骨，都唔错，火锅材料都多，而且唔差，应该都算系新鲜。佢仲有雪糕雪条饮品同埋其他甜品，种类都算多。最紧要系坐得舒服，伙计都冇催我地走，又有七折，几抵食👍🏻👍🏻 如果继续有七折既话都会再食。