影片
更多
2024-09-26
947 浏览
好似好耐冇食过泰国菜，讲起香港嘅泰国菜正常都应该要去九龙城，但系对我嚟讲有啲隔涉，听朋友讲呢一间喺佐敦嘅泰国菜都系泰国厨师，所以就过嚟试吓。佢哋做紧泰国啤酒买二送一，四个人叫做三支嚟试吓味，象啤出名啲真系有佢嘅原因架。不过其实另外两款都好饮嘅。食泰菜点少得叫返个椰青，呢度嘅椰青都好新鲜，仲有支铁羹俾你食埋入面啲椰肉，真系好细心架。嘢食方面，首先叫咗个生虾做前菜，佢呢度特别菜𠮶啲虾头会帮你炸埋，脆卜卜咁，可以连头都食埋。而佢啲生虾都好新鲜，都好爽口，点埋泰式青柠辣汁真系冇得输。然后又点少得嗌返个海鲜冬阴功，佢个冬阴功汤见到都有啲香料喺入边，唔系𠮶啲开粉嘅冬阴功汤。最重要系仲有两只开边嘅大虎虾，又系新鲜弹牙，绝对足料。然后叫咗个生菜包，佢个生菜包唔系好辣，小朋友都会食到，但系就保留咗泰国菜嘅酸，够晒开胃。另外叫咗个铁板蚝饼，原本以为系我哋中式认知中嘅蚝饼，但原来佢呢个系滑蛋炒蚝仔咁样，啲蛋系比较湿嘅，但系就好滑，点埋佢个辣椒酱好惹味㗎。菜就梗系唔少得马拉盏炒椰菜苗啦，佢呢度啲椰菜苗真系BB嚟㗎，唔会好老，完全符合商品说明条例。最后压轴嘅要讲吓佢呢个烧春鸡，呢个烧春鸡好似睇表演，咁佢会喺你面
佢哋做紧泰国啤酒买二送一，四个人叫做三支嚟试吓味，象啤出名啲真系有佢嘅原因架。不过其实另外两款都好饮嘅。
食泰菜点少得叫返个椰青，呢度嘅椰青都好新鲜，仲有支铁羹俾你食埋入面啲椰肉，真系好细心架。
嘢食方面，首先叫咗个生虾做前菜，佢呢度特别菜𠮶啲虾头会帮你炸埋，脆卜卜咁，可以连头都食埋。而佢啲生虾都好新鲜，都好爽口，点埋泰式青柠辣汁真系冇得输。
然后又点少得嗌返个海鲜冬阴功，佢个冬阴功汤见到都有啲香料喺入边，唔系𠮶啲开粉嘅冬阴功汤。最重要系仲有两只开边嘅大虎虾，又系新鲜弹牙，绝对足料。
然后叫咗个生菜包，佢个生菜包唔系好辣，小朋友都会食到，但系就保留咗泰国菜嘅酸，够晒开胃。
另外叫咗个铁板蚝饼，原本以为系我哋中式认知中嘅蚝饼，但原来佢呢个系滑蛋炒蚝仔咁样，啲蛋系比较湿嘅，但系就好滑，点埋佢个辣椒酱好惹味㗎。
菜就梗系唔少得马拉盏炒椰菜苗啦，佢呢度啲椰菜苗真系BB嚟㗎，唔会好老，完全符合商品说明条例。
最后压轴嘅要讲吓佢呢个烧春鸡，呢个烧春鸡好似睇表演，咁佢会喺你面前点火，原本我哋都心谂咁样俾佢烧完之后应该会又干又柴。
但系当我哋一落手撕鸡嘅时候，我哋就知道怪错佢啦。因为真系超Juicy，一撕开个鸡髀位劲多肉汁流出嚟，而且仲超级无敌滑。
最过分嘅系连个鸡胸都唔会老，都劲嫩滑，真系不得了。见到佢个鸡壳有少少粉粉地，其实佢系落咗南乳去腌，所以好够味，钟意食浓味嘅人仲可以点埋个泰式辣酱，完全系今晚嘅MVP超级大惊喜。
呢度嘅职员仲好热情好好人，系咁叫我哋打卡攞佢哋嘅神秘礼物，佢哋话每一晚嘅神秘礼物都唔同㗎，今晚我哋得到嘅礼物就系炸虾饼，有得食又有得玩。
四个人埋单都系$1000唔使，仲要食到泰国嘅味道，完全系惊喜满满，饱肚感满满。
张贴
