清真惠記

营业中

休息中

系香港经常都可以系熟食中心揾到又平又正既美食，不但食到地道风味，而且价钱仲相当平。 今日就去试左朋友推介既清真咖喱。 一入到去人头涌涌，午饭时间人流非常多。熟食中心大多都系一点有比较有历史既小店，虽然睇落去比较旧同环境及不上餐厅咁舒服，不过就系要旧旧地，同其他人搭台先有香港大排档呢种独有风味。我叫左个牛腩饭，咖喱汁底比较甜而且唔系算太辣，牛腩亦比我想象中嫩，如果唔食得太辣既朋友我比较推介牛腩。 另外我仲叫左咖喱羊，呢款咖喱底比较辣，而且香料味亦都好重，加埋羊肉既骚味整个咖喱味道偏重，不过我略嫌酱汁有d太油腻。 整体价钱合理而且味道都算唔错，正！