燒味滷師 (協邦大廈) (已結業)

今晚提前做节，所以打算斩料加𩠌，见到楼下呢间烧味档新店开张，门面大概有20人排紧队，排咗大概15分钟先到我😂😂排队期间，有个叔叔大叫烧腩仔卖晒，得返其他烧味，有啲失望🤐 不过咁抢手，代表系好野，下次真系要早啲嚟买🤔🤔不过我今次斩买咗烧鸭、烧鹅、叉烧同盐焗鸡～烧鹅烧得几靓，烧得色泽红润有光泽，够火喉，外皮香脆肉嫩，啖啖肉，咬落唔会韧，有肉汁唔会干争争，又会太肥，刚刚好～～盐焗鸡都唔错👍🏻入味之余肉质鲜嫩，各有春秋🤩烧鸭就肥瘦适中，配埋啲酸梅酱食送饭一流！叉烧份量都唔少，而且啱啱好，肥瘦均匀，齿颊留香！总括嚟讲，$254有4款烧味，真系物超所值，唔知新店优惠会做到几时呢😆