影片
营业时间
星期一至日
08:00 - 20:00
以上资料只供参考，请与餐厅确认详情
食晏時間諗住買野返去，心血來潮想食燒味飯，先前都有幫襯過嘅，同埋諗住叫啲指定部位貴少少嘅燒味飯會冇咁睇運氣啦，但返到去一打開飯盒似乎同想像有出入。希望係咁岩唔好彩先係咁啦。
继续阅读
宜家WFH，晏晝心血來潮想食燒味飯，Openrice見到呢間專做外賣，評分又幾唔錯，就決定嚟試下。中午行過嚟幫埋屋企人買外賣，買左一盒燒肉燒排骨飯、一盒燒腩骨燒鴨飯，半斤叉燒，一共5樣燒味。結果5樣都唔掂，特別係燒肉同燒腩骨，超乾，成舊瘦肉咁，打開個飯盒見到已經唔想食，一放入口就覺得表裡如一，果然好難食…如果唔係唔想浪費食物，第二啖都唔會食。結論係，住附近嘅街坊少少地試下都可以，睇下質素有無改善；要搭車嘅就完全可以慳返，唔使特登過嚟試伏。
继续阅读
一開張， 已經幫襯開。見佢平平地， 就試下， 唔太錯。但疫情期間， 好多餐廳都無開，呢間燒味舖太排長龍， 等左十五分鐘，終於有得食… 不過質素時好時壞。 有圖有真相。 雙併都值得食… 如果淨買就….
继续阅读
呢一間燒味滷師位於屯門井財街，係一間燒味店舖，佢嘅燒味都好有水準👍，店家同時都有其它分店，而佢嘅燒味全部都係自己燒有自己工場，同時都有批發零售同埋預訂!.至尊燒鵝(1/4隻)下庒燒鵝賣相都好吸引😮，去嘅外皮燒到外皮脆肉質嫰咬落啖啖肉，食到入口鵝味好香😙，仲有點吓去D梅子醬味道唔同哂😋!.燒味佬叉燒(半斤)去嘅叉燒睇見都好想食🤔，叉燒真係睇得吓，平時叉燒D人大多数食半肥瘦先至好食😋，我覺得唔係一定要肥，而加D叉燒瘦D好正，食到入口都好腍身，好香好濃郁佢嘅蜜汁味道😙，好有傳統嘅風味😙又夠水準👍!.客家鹽焗雞(半隻)鹽焗雞賣相都唔錯，去嘅外皮色澤都好油潤，食入口聞到好香嘅雞肉嘅鮮味😙，雞肉肉質嫰滑多汁，味道都唔會好鹹，味道恰恰好，再點埋去哋嘅自家制醬料，令到雞嘅味道更加好味😋!.海蜇拼泰式鳳爪呢一款鳳爪望著冇乜特別🤔，鳳爪咬入口爽脆又有咬口，味道酸酸甜甜都好醒胃😋，而佢嘅海蜇都好有咬口爽口又彈牙，真係夠哂爽脆!.*而加都有幾款不同味道款式雞，我覺得佢嘅雞都好抵食，只係$68一隻/$35半隻*.*價錢都幾抵食，又食到傳統風味，我覺得值得試吓*.
继续阅读
紅橋食市太多，但燒臘檔得兩間！小弟並唔係刻意將兩間舖去做比較！所有野都係實話實說……呢間4寶飯 經濟實惠，雖然比既部位係多骨d但最少成個盒都係餸！ 先講叉燒 比起進豪差好遠😅呢間叉燒既肉質同甜度贏成條街咸蛋個黃唔會係粉狀……呢點又贏紅腸就大家差唔多，但豉油方面略勝一籌豉油雞 比既部位多肉，肉質較滑，又贏👍小弟真心講句，希望呢間燒臘檔長做長有燒味價錢已經優勝進豪！店內自設燒臘工場，好多野都好味好多如果搵工場拎貨既，憑乜野賣咁貴價錢呢？
继续阅读