影片
更多
2024-02-08
783 浏览
年廿八洗邋遢，执屋执咗成日，夜晚梗系要食返餐好嘅，见到呢间德国餐厅有优惠，咸猪手只系需要98蚊，咁抵食就一于黎呢度啦。餐厅环境舒适，可以拣坐室内或室外，由于今日落雨，所以拣咗坐室内。墨西哥粟米片配牛油果酱、蕃茄莎莎 :系上主菜之前，先叫个小食顶顶肚。微暖嘅粟米片入口香脆，配上牛油果酱及蕃茄莎莎，酸酸地非常开胃。特色鸡翼 :可以拣辣或唔辣，我哋拣咗辣。鸡翼一份有三只全翼，鸡翼即叫即炸，入口热辣辣，沾满辣粉嘅鸡翼辣得好过瘾，值得一赞嘅系餐厅好细心咁将鸡槌及鸡翼斩开，食得非常方便。凯撒沙律配烟三文鱼 :完全估唔到咁大份，沙律菜好新鲜，烟三文鱼都几多，配料仲有面包粒，酱汁拣咗分开上，可以按自己嘅口味落。德国咸猪手配酸菜及薯仔沙律 :唔好以为优惠价就会将货就价，咸猪手份量十足，外皮烤得脆卜卜，猪手肥瘦适中，食落鲜嫩多汁，配上蜜糖芥末或黄芥辣食，辣辣地相当惹味。配菜有酸菜及薯仔沙律，食落真系好有德国风味。
餐厅环境舒适，可以拣坐室内或室外，由于今日落雨，所以拣咗坐室内。
墨西哥粟米片配牛油果酱、蕃茄莎莎 :
系上主菜之前，先叫个小食顶顶肚。微暖嘅粟米片入口香脆，配上牛油果酱及蕃茄莎莎，酸酸地非常开胃。
特色鸡翼 :
可以拣辣或唔辣，我哋拣咗辣。鸡翼一份有三只全翼，鸡翼即叫即炸，入口热辣辣，沾满辣粉嘅鸡翼辣得好过瘾，值得一赞嘅系餐厅好细心咁将鸡槌及鸡翼斩开，食得非常方便。
凯撒沙律配烟三文鱼 :
完全估唔到咁大份，沙律菜好新鲜，烟三文鱼都几多，配料仲有面包粒，酱汁拣咗分开上，可以按自己嘅口味落。
德国咸猪手配酸菜及薯仔沙律 :
唔好以为优惠价就会将货就价，咸猪手份量十足，外皮烤得脆卜卜，猪手肥瘦适中，食落鲜嫩多汁，配上蜜糖芥末或黄芥辣食，辣辣地相当惹味。配菜有酸菜及薯仔沙律，食落真系好有德国风味。
张贴
