牛扒先生 (已結業)

同朋友聚会, 无意中见到呢个团购好似几吸引, 就买左个四人餐~本来见呢度食评好似麻麻地, 都有D担心。其实上两星期都来过, 约二百几一个人, 感觉只系普普通通。所以无乜期望, 谂住团购都系宣传多, 同平时的餐差不多~点知.......净系见个海鲜拼盘都物超所值! 有长脚蟹, 青口, 蚬同虾! 头盘一来太兴奋, 唔记得影相~仲有一支红酒送~再来有鹅肝多士, 好肥美~ 同埋个蟹肉忌廉汤, 呢个不过不失啦~蟹肉唔算多, 但味道唔错!主角就系500g和牛、同500g美国New York Club牛扒! 佢地真系好似酒楼煮海鲜咁, 拎旧急冻牛系你面前, 俾你睇旧牛系咩样。旧和牛纹理好雪花ga!当然, 和牛系好食好多, 够油口同牛味! 即时将旧美国牛比下去~ (因为系牛柳较瘦, 同和牛不同啦!) 四人餐好似抵好多, 因为2人餐只系每人120g~服务都唔错, 可能坐里面关系, 添水都好勤, 食物来得快~