魚米 (泓景匯商場)

营业中

休息中

今日难得早收工，一于揾间餐厅做最后一个order下午茶既客，5：45入到去见到无咩人又有好几张卡位，由于无咩客，所以一个人都有得坐卡位，见到雨午茶猪排菜饭，三十几蚊仲有野饮，就叫黎试下，大约10~15分钟就出左餐，一摆底吓到眼都凸埋， 三十几蚊碟猪扒菜饭居然有三块又大又厚既猪扒，堆到成座小山丘咁， 碟菜饭仲要真系好多菜，唔似出面好多餐厅话自己系菜饭，但系只系得几粒菜，佢地碟菜饭菜嘅比例起码占咗三分一以上，咁就可以除咗食咗肉之外仲有菜落肚， 因为始终啲猪扒系炸，而家咁样就变咗有菜有肉有饭，食落个感觉都冇咁济，而且分量一啲都唔少，虽然已经好努力食，亦都因为唔想浪费，所以努力密密食，最后都食唔晒食净咗少少， 饱到夜晚𠮶餐都食唔落，谂住high个tea，点知变咗晚餐，三十几蚊个晚餐真系抵到烂。