Outback Steakhouse (東薈城名店倉)

营业中

休息中

而家食Outback好抵食，有一啲优惠套餐，比起平时以正价食Menu入边𠮶啲嘢食真系抵好多，所以晏昼就嚟咗东涌outlet呢一间Outback食晏昼😋一坐低好快食完已经俾咗一条黑糖面包同餐汤我哋，Outback黑糖面包真系冇得输，依然可以加添几条面包，而餐汤系西兰花忌廉汤，味道浓郁，好有口感。两个人嗌左一个和牛扒同埋烧鸡肉芝士夹饼，烧鸡肉芝士夹饼热辣辣好好食芝士有拉丝效果，而入边鸡肉同蘑菇口感十足，味道非常好，加埋佢俾嘅蜜糖芥末酱，味道立即升华；而牛扒叫咗五成熟，肉质松软，唔会好韧，加埋烧汁肉味都好出，两碟都配有薯菜，薯条用新鲜薯仔整，好脆口，整体食物质素高，套餐仲包埋餐饮，以前嗌嘢饮要另外嗌，价钱比起以前抵好多，真系值得嚟食！