一遊

营业中

休息中

好耐都冇嚟过尖沙咀诺士佛台食饭，难得今日一次过可以约得晒好耐都冇见嘅老朋友，所以就决定嚟一间日本居酒屋，始终我哋大家都钟意饮酒，到日本嘅居酒屋可以边饮边食。呢度嘅装修都好有日本风格，而且灯光暗暗地，一班朋友嚟食嘢饮酒就最适合。一来就要sake先啦，店员推介神龙纯米大吟酿，系经过长期低温发酵，超级容易入口，我觉得我自己一个人有一支都真系冇问题。食物方面都超正，八爪鱼沙律上面有果蓉，好refreshing。炸鸡软骨同炸八爪鱼用嚟送走一流！sashimi platter有生磨wasabi，超好食！油甘鱼好肥美，鲍鱼口感都好正，酱汁调校得刚刚好。串烧牛舌同鸡肉串系我嘅最爱，食得出个火候刚刚好！铁板宫岛蚝又大只又肥美，加埋甜甜地嘅酱汁，真系超好食，呢个我觉得系必点！海胆炒饭亦都炒得好香，为呢一餐画上完美嘅句号。