影片
更多
2018-06-21
653 浏览
食到间好正嘅餐厅😍由餐厅装修、服务到食物都系几高质嘅感觉，系好有格调嘅一间西餐厅，令人超有feel的💜.因为我同朋友都唔算好肚饿，所以决定叫一个set加一个小食share食就ok🙈Set dinner平均一份系$2xx-$3xx，有汤有前菜有主菜有甜品。或者好似我地咁，可以单点主菜，然后加$78转佢做餐😁价钱方面，À la carte再加钱转餐就会比Set dinner稍贵一点点吧。.芝士薯条真系好正好正😍😍虽然同行朋友形容薯条本身系「冇价值嘅嘢」🙄，但其实往往最简单嘅食物系最吸引人的🤤薯条淋上咗满满嘅芝士 🧀🤤薯条份量超多，餐厅亦都好细心咁每层薯条都有淋上芝士，唔系正系喺面淋两吓就算㗎🤤不过芝士会搞到啲薯条腍咗啲，但今次难得系我觉得腍咗嘅薯条都好好食😂加咗20蚊要黑松露酱，有成大pat黑松露😏虽然本身芝士同薯条已经系perfect match，但薯条点黑松露酱都好夹😆所以本身随薯条附上嘅茄汁我系完全冇郁过😂.平时食西餐都系食牛扒/鸡/鱼，今次一于试吓啲平时少叫嚟食嘅，例如就系西班牙烤乳猪🇪🇸🐷西班牙烤乳猪Set dinner冇的，系À la carte，order完要约等45分钟。乳
由餐厅装修、服务到食物都系几高质嘅感觉，系好有格调嘅一间西餐厅，令人超有feel的💜
.
因为我同朋友都唔算好肚饿，所以决定叫一个set加一个小食share食就ok🙈
Set dinner平均一份系$2xx-$3xx，有汤有前菜有主菜有甜品。
或者好似我地咁，可以单点主菜，然后加$78转佢做餐😁
价钱方面，À la carte再加钱转餐就会比Set dinner稍贵一点点吧。
.
芝士薯条真系好正好正😍😍
芝士薯条
$78
33 浏览
0 赞好
0 留言
虽然同行朋友形容薯条本身系「冇价值嘅嘢」🙄，但其实往往最简单嘅食物系最吸引人的🤤
薯条淋上咗满满嘅芝士 🧀🤤
薯条份量超多，餐厅亦都好细心咁每层薯条都有淋上芝士，唔系正系喺面淋两吓就算㗎🤤
不过芝士会搞到啲薯条腍咗啲，但今次难得系我觉得腍咗嘅薯条都好好食😂
加咗20蚊要黑松露酱，有成大pat黑松露😏
虽然本身芝士同薯条已经系perfect match，但薯条点黑松露酱都好夹😆所以本身随薯条附上嘅茄汁我系完全冇郁过😂
.
平时食西餐都系食牛扒/鸡/鱼，今次一于试吓啲平时少叫嚟食嘅，例如就系西班牙烤乳猪🇪🇸🐷
西班牙烤乳猪
$288
26 浏览
0 赞好
0 留言
西班牙烤乳猪Set dinner冇的，系À la carte，order完要约等45分钟。
乳猪皮薄脆(但冇平时我地去饮𠮶种中式乳猪咁香脆)。脂肪唔多，薄脆嘅乳猪皮下有好多肉，所以食落冇中式乳猪咁油腻。猪肉唔鞋，整体几好😄
乳猪配酸椰菜食又得，又或者点酸酸哋嘅乳猪酱食又得😆👏🏻
整体份量都比我想像中多，乳猪底下仲有层厚薯蓉垫住㗎。好彩唔系要一个人食哂一份😂share食先得掂。
.
好想特别多谢餐厅送多碗餐汤俾我地😹😹
我地本身加咗48蚊转餐汤做龙虾汤，但可能餐厅见我地2个人share一碗汤太惨😹跟住上龙虾汤时，话拎多咗碗餐汤俾我地🙈🙈餐汤系南瓜汤。
两款汤都好香浓😆南瓜汤好香甜，好似真系饮紧啖啖南瓜糊咁😛；龙虾汤就会重口味少少，饮落都鲜甜，但其实转龙虾汤要再加48蚊系绝对唔平🙈。
.
话说餐包都好好食，外层好脆，但食落面包入面又好松软。
前菜可以拣帝王蟹饼配蛋黄芥末酱 或 忌廉芝士茄子卷。我地拣咗蟹饼。
帝王蟹饼配蛋黄芥末酱
20 浏览
0 赞好
0 留言
蟹饼真系好充料，每啖都系丝丝蟹肉，蟹饼表面煎到好香，好食呢。
跟餐甜品可以选香蕉布甸或面包布甸，甚至可以加$48要朱古力心太软。
我地拣咗香蕉布甸，估唔到几有惊喜！
香蕉布甸
31 浏览
0 赞好
0 留言
香蕉布甸望落系啡啡地色，但食落系浓郁天然嘅香蕉味，好似食紧好软滑好冰凉嘅creamy香蕉蓉咁🍌好好食😂
好满足嘅一餐呢，由头到尾都冇令人失望嘅地方🙈
.
总括真系一间俾你感觉非常好嘅餐厅，餐厅侍应们都好nice好好态度😆
同埋佢地真系好细心，会留意你有乜需要同埋几时食完一样嘢，然后先上另一样食物。
我本身好怕啲嘢食一吓子嚟哂，又影唔切(👈🏻😂)又食唔切，然后摊到冻哂🙈
隔离枱叫2个Set dinner，侍应都会问佢地系咪share食，系就一个个轮流上😄
我觉得真系好啱情侣嚟，特别系庆祝生日/纪念日等等💕
.PS 餐厅外面而家有装修，所以餐厅完全俾棚架围住、遮住，连招牌都睇唔到🙈好彩朋友细心揾到呢间餐厅😆
张贴
