夜燒站

营业中

休息中

今日放工过左黎荃湾食饭 ，试左呢间隐世居酒屋，大家行远少少都要过嚟试！食物质素非常好，价钱合理，性价比高高高！首先，烧物火喉烧得恰到好处！烧鳝鳝皮脆卜卜，鱼肉鲜甜！烧鱿鱼板十分爽口弹牙，完全唔韧口！烧酱油鸡全翼皮脆而肉质鲜嫩多汁，鸡翼腌得非常入味。最后黎个烧焦糖菠萝，菠萝外层被脆卜卜嘅焦糖包住，咬开啲菠萝汁爆哂出嚟，食完烧肉食番个烧菠萝十分消滞解腻！芝士年糕芝士味十分香浓，年糕质地软糯Q弹，芝士迷必点！除咗烧物，我哋仲试左清酒煮蚬！首先，大大碗蚬而每只蚬都非常大粒肥厚！个清酒汤鲜甜至极，必点！总抬来讲，呢间居酒屋位置不在闹市，但绝对值得大家黎一试，一定唔会失望！