春田冰室

营业中

休息中

位于红磡嘅春田冰室，喺何文田地铁站行过去，10分钟之内嘅路程，尚算方便。冰室来讲呢度嘅装修都算别字，几大几宽敞，同埋因为采用落地玻璃，所以成间铺嘅感觉都好光猛，服务员嘅service都唔错。叫咗一款特别啲嘅嘢食，就系虫草花椰子鸡米线，呢个汤底真系好好味，系椰子鸡汤，味道10分浓郁。除咗虫草花，仲有黑木耳。鸡嘅份量都几多，亦都好嫩滑。另外一款就邪恶少少，叫咗鲜茄吉列猪扒饭。即叫即整，不过等嘅时间唔算长。超级大份，猪扒劲大块。炸得几酥脆，啖啖肉，正。芝士亦都系落足了。最后食个甜品，粒粒华田脆脆雪山西多士，听讲系呢度嘅招牌之一。切到四方形，细细件，方便进食。而且味道都唔错。呢度都有啲特色饮品，例如奶茶红豆冰或者鸳鸯红豆冰，不过今次太饱，未试到，下次再嚟过。