醉翁亭火鍋館 (已結業)

今日我们喺乌溪沙站附近做完嘢之后去咗隔离嘅迎海荟行吓，行到去「醉翁亭火锅馆」见到喺门口贴著嘅大海报「任饮任食海鲜火锅」，仲要系「无限时」，真系好吸引，加上呢几日嘅天气都几冻，最啱就系「打边炉」，所以我们就决定今晚喺度食晚市任食火锅！一开始店员问我们拣选要咩汤底？我们就拣咗个清甜鲜味嘅冬瓜瑶柱锅，之后就即刻攞咗五款以人头计每位赠送嘅食物有：环球海鲜盘、刺身拼盘、蚝皇扣鲍鱼、醉翁亭极级牛颈脊同至尊水饺皇！除咗火锅配料系任食之外，另外仲设有自助小食区同饮品柜等等等等⋯⋯感觉真系好抵食呀！环球海鲜盘嘅六款时令海鲜，款式系每日都唔同，而今日就有龙虾件、海虾、元贝、龙趸片等等等等⋯⋯全部都非常新鲜！刺身拼盘有三文鱼腩刺身、泰式生虾刺身、北寄贝刺身同日本鱿鱼刺身，全部都相当新鲜，特别系泰式生虾刺身，肉质好鲜甜爽脆！醉翁亭极级牛颈脊嘅牛肉味非常浓郁，色泽相当红润，脂肪分布好平均，所以食落有阵阵嘅油香渗透整个口腔，真系超正呀！至于其中嘅鲍鱼、花胶、海参同燕窝系每星期供应一款，而我们今晚嘅系蚝皇扣鲍鱼，鲍鱼比我们想像中大只，质感非常爽滑弹牙，而且焖得相当入味，花菇亦好软滑厚身，真系好正呀！讲到呢度为止，都