Ann MaMa Thai Restaurant

营业中

休息中

呢间泰式餐厅成个厨房都由泰国人主理，令大家系香港都可以食到正宗泰国口味。餐厅不设订座喔，要食就早啲去排队啦！黄咖哩牛腩饭食落惹味而带有甜味余韵，少少辣而又带有浓厚香气，一食就知道香料落得十分足，牛腩亦煮得够腍，捞埋个白饭一齐食真系够晒开胃。招牌船面（猪）汤头一眼望落够黑够浓郁，口味同样充满独特嘅浓郁美味，由肉丸、猪肉到面条都吸引晒汤汁嘅香味，成碗面风味十足👍🏻。黑椒粟米饼将粟米加入黑椒做调味然后一齐炸成饼，一口咬落先系粟米嘅香甜，继而系阵阵黑椒香味，配搭埋泰式酸辣酱更加惹味。路边鸡翼卖相平平无奇但口味十分独特嘅鸡翼，食落有好香嘅香矛香气，而佢哋嘅香矛味又比平时食嘅更香同带有甜味，好特别好好味😋。椰汁冰椰汁香味非常浓郁，甜度适中口感香滑，系好正宗嘅泰式椰汁冰味道。泰式绿奶茶传统泰式奶茶换上绿茶去冲制，饮落有浓嘅绿茶清香味，口感顺滑，奶香味亦好足够，好饮👍🏻。