川婆婆 (觀塘廣場)

营业中

休息中

观塘广场有好多小食店，不过川婆婆都系比较有特色，同埋好味既一间。店舖有四川麻辣小食，水煮系列，酸菜系列，最吸引梗系肥肠，麻辣豆腐串。- 凉拌鱼皮依个小食真系少有，而又做得好。鱼皮爽口弹牙，可以一口一块；凉拌汁又调得酸酸辣辣，好开胃。- 水煮鱼水煮鱼已经有寛粉，大荳芽，豆皮，海带丝，只系叫咗BB 辣，已经味道十足，食到出晒汗。鱼片份量十足，鲜嫩爽口，肉质结实。寛粉色泽晶莹剔透，就比较腍身，咬落有嚼劲，可以吸满汤汁。- 肥肠 * 风琴豆腐 * 鱼腐 米线依个系四川车仔面，价钱平啲，又可以拣自己钟意既𩠌，不过就冇配菜；必选既系肥肠，同埋风琴豆腐。肥肠处理得几好，无怪味，咬落油份充足好香口。风琴豆腐好大串，吸咗好多汤汁，好惹味！- 红糖糍粑估唔道有红糖糍粑食，仲要好有水准。糍粑表面酥脆，再有红糖既清甜，口感软糯，但又唔油腻。