影片
更多
2013-07-25
1128 浏览
是日去完迪迪尼，系欣澳撘巴士入 Discovery Bay 食大餐！呢间餐厅系某一年情人节发现既，今次系第3次特登入黎食喇！佢话无得订枱，但唔知点解我地去到竟然有个订座牌放左系某一张枱上面，真奇怪。去Discovery Bay就好似去左外国渡假咁，会见到好多外国人，因为 Happy Friday ，所以仲多人饮酒吹水，好喜爱呢d生活态度，放左工就同朋友吹水饮野食饭，好写意。好喇讲返正题，今次叫左3杯麦啤500ml ($65 per one)，一杯 mocktail ，一个厨师推介既特选德国冻肉拼盘配芝士，德式芝士酱及面包 ($124)，一个厨师推介既秘制德国一咸猪手配香滑薯蓉及酸椰菜($198)同一个焗鲜草苺德式香酥甜品 ($65)另一个雪糕球 ($20)，埋单七百几蚊，可以食一餐自助餐，哈哈。麦啤唔太苦涩，金香可口，500ml同1L既价钱只系争几蚊姐，如果想饮新鲜冻既麦啤，建议要500ml。杯mocktail唔记得左咩名，由 红桑子，芒果，苹果等组成，系沙冰黎既。好fresh，芒果味较重，饮到最尾见到有苹果生锈既色，证明系用新鲜苹果打出黎，好味。厨师推介既特选德国冻肉拼盘配芝士，德式
去Discovery Bay就好似去左外国渡假咁，会见到好多外国人，因为 Happy Friday ，所以仲多人饮酒吹水，好喜爱呢d生活态度，放左工就同朋友吹水饮野食饭，好写意。
好喇讲返正题，今次叫左3杯麦啤500ml ($65 per one)，一杯 mocktail ，一个厨师推介既特选德国冻肉拼盘配芝士，德式芝士酱及面包 ($124)，一个厨师推介既秘制德国一咸猪手配香滑薯蓉及酸椰菜($198)同一个焗鲜草苺德式香酥甜品 ($65)另一个雪糕球 ($20)，埋单七百几蚊，可以食一餐自助餐，哈哈。
麦啤唔太苦涩，金香可口，500ml同1L既价钱只系争几蚊姐，如果想饮新鲜冻既麦啤，建议要500ml。
杯mocktail唔记得左咩名，由 红桑子，芒果，苹果等组成，系沙冰黎既。好fresh，芒果味较重，饮到最尾见到有苹果生锈既色，证明系用新鲜苹果打出黎，好味。
厨师推介既特选德国冻肉拼盘配芝士，德式芝士酱及面包 ($124)好快就到左。一黎到哗左声，好丰富！净食呢d都够饱。都系面包最吸引我，暖暖的，揸埋好香既德式芝士酱，食10个都得！
个德式芝士酱好好味，除左有黄色既芝士酱，仲有粒粒芝士系入面，好有食早餐既feel!仲有好fresh 既沙律伴碟，有沙拿美肠同ham。d ham我真系唔识欣赏，食落阵味似农场d屎味，好彩得两三片姐。特选德国冻肉都好好食，唔太咸。几片芝士味道唔太浓，夹面包最好！
厨师推介既秘制德国一咸猪手配香滑薯蓉及酸椰菜($198)随后上埋，估唔到咁快，平时至小要等4个字，早知唔咁早叫定啦。一望落去就见到烧到劲脆既皮，下面系港满既骨胶原！谂起都想成只食哂去！呢排睇紧 master chef，学佢地三个用刀敲一敲个面，一听就知好脆。急不及待快d切黎食，唔好处就系无切埋俾我地要我地自己切，但如果切左就会好快冻哂，真矛盾。切个时有d lea hea，又跌咁d落件衫度，热到系辣手既。一啖咬落去个皮度，好脆，但又唔会脆到介口。d骨胶原虽然唔系好多，但都好有痴牙既感觉，唔知系代表咩呢。d肉咸香味够，食落去似滑身既㷛汤猪骨肉咁，好好食！薯蓉略嫌淡味，无好香既牛油同牛奶味，麻麻地。反而酸椰菜好好味，同个猪手好夹，好开胃，减淡左猪手既油腻感。
重头气系焗鲜草苺德式香酥甜品 ($65)，另加一个雪糕球。就系为左呢个甜品先特登入黎食。满满香酥既饼干碎舖系鲜草苺上面，酸酸脆脆咁，好开胃，就算之前食饱左都仲依然有位食呢个甜品。加上上面充满云利拿籽既雪糕，真系无比享受！因为每次食到一半就食哂个雪糕，因为好快溶(个好似煎pan既器皿系好热既)，所以我每次都要叫多个雪糕，都系$20好抵！呢个咁完美既甜品为呢餐德国菜画上完美既句号！
张贴
