勝興潮州打冷

营业中

休息中

好耐好耐无食过潮州野, 成日都想去食, 但总系比其他餐厅吸引左. 今日终于的起心肝同朋友一齐食胜兴, 虽然平时都有食开, 但今次真系好想特别称赞个蚝饼! 因为真系做得非常好.蚝饼炸得非常干身, 不油腻, 完全系外脆内软, 蚝仔好肥好甜, 一点腥味都冇. 由其呢个蚝饼落咗大量既葱同芫茜, 阵香气真系会留系个口度. 久久不散. 另外, 如果食既时候再配上潮州醋一齐食的话, 真系连少少油腻既感觉都无埋, 超正!仲有呢个啫啫鸡煲亦都真系超够镬气, 师傅用咗大量料头去爆香只镬, 当再放埋啲鸡件落去炒, 香料既所有味道就会全部挂晒系啲肉既表面. 另外值得一提既系, 师傅系落镬炒鸡之前, 会先将鸡件走油. 呢一点不但可以将鸡既肉汁完全锁晒系肉度. 亦可以令到鸡件系爆炒既时候唔会咁容易散开. 做得好好! 因为得两个人食饭既关系, 所以都唔敢叫咁多野食, 最后净系简单咁叫多个韮菜猪红就作结. 味道好浓郁, 好适合用嚟“送饭”. 如果味道再辣一点就更好.  唯一美中不足就系碗饭太细碗, 份量再多啲会比较好. ;))