牛大人台灣火鍋吃到飽 (偉華中心)

营业中

休息中

好耐无出过去打火锅喇！疫情下多数自己屋企做火锅，好耐冇出街食。今日放工个心好想好想去吓出面食任食！已经听过牛大人呢个名好多次，好多朋友试过都话好，正话唔同平时啲任食火锅。就早几日已经book定两位。特登book早啲感觉休闲啲，食饱饱都唔使一返屋企就要瞓觉😂一于以早食早享受既心态，二人前啦唔该！一坐低不久，见人群已陆陆续续入座，冇谂过五点几都有咁多人坐低食😯餐牌内有好几款选择都非常吸引，难得出嚟食梗系试吓澳洲极上和牛套餐。而家点餐好方便，扫一扫个QR code就得。先拣咗一个牛大人红烧牛骨锅，味道非常香浓👍出边好少见有呢一款汤底㖞跟住立即柯打和牛，牛板腱，牛小排...全部牛都要啦！台式丸及饺子款式都好多，感觉好抵食好丰富。台湾小食都有盐酥鸡，台式香肠，甜不辣，皮旦豆腐等等。蔬菜有台湾特产水莲，都系一啲比较少见嘅菜。面食方面，山竹米粉最钟意👍饮品有冬瓜茶，乌梅汁。甜品仲有Movenpick雪糕！真系想试哂都几难😅实在太多款式。认真觉得呢个价钱系绝对抵食，唔似平时一啲连锁店得好少食物款可以拣嘅火锅店。