老厝邊

营业中

休息中

老厝边 (荃湾)荃湾大坝街25号地舖荃湾广场附近𠮶条街，好多嘢食嘅大坝街，记住25号，行到去街尾左右，特色台湾嘢，价钱相宜，牛肉面鸡扒蛋饼都好好食。餐厅装修光猛，有两层，平日夜晚六点零唔使等好耐都有位入，一坐低已经闻到隔离嘅排骨鸡扒饭，好香好想食，但系又好想食牛肉面，纠结咗好耐。最后都系食返每次嚟都要食嘅牛肉面，吸引之处系牛肉唔使用力，肉同根已经可以分开，佢仲有一旧萝卜做配菜，同样系炆得好淋，唔使用力都可以分开，面质比较淋，汤底浓，唔油味道有层次。另外又系有个必食嘅蛋饼，可以拉丝嘅芝士加粟米，简单嘅芝士粟米，两边都煎脆过嘅蛋饼，加埋特制嘅酱汁，冇得弹。食台湾嘢一定唔可以错过呢间，见佢越开越多分店，大角咀铜锣湾都有，几时港九18都有，极推之选，仲要唔使+1架。不过大坝街啲嘢食其实都系唔使+1，可能这就是荃湾大坝街的传统。