影片
更多
2019-07-31
1586 浏览
中环做完一日野，细佬妹带左我去食餐好D慰劳自己。知道餐厅新开，个名又几特别，所以细佬就拣左佢。餐厅比我感觉比较静，可能我地早左去咁啱未有其他人。初初入去经理建议我地坐吧枱，对住大厨有点紧张，但侍应好亲切又介绍佢地各款菜式特点同点样配合唔同既酒，第一次试每一道菜都会有一款酒既wine pairing。一开始见佢有不同既Tasting Menu，主要系分5 Course 同8 Course ，一场嚟度当然想试多啲嘢啦，就拣左8 Course 再配埋佢八款酒一齐试。先嚟头盘SCALLOP TARTARE日本刺身级带子加大根同青苹果，伴上一片墨鱼汁同米浆炸成的脆片，配上龙虾汁蛋黄酱，虽说墨鱼脆片是油炸，但绝不油腻，仲要好薄又好脆，食时将带子放在脆片上再点酱汁，淡口而清新，再饮啖白酒更加醒神。第二个Course POTATO将巴马臣芝士加忌廉打起，感觉好轻身，再用法国春卷皮包住，头尾仲有好幼细既法国葱封住，下面配上青瓜甜粟米蕃茄等，这个芝士完全不觉腻配合疏菜粒醒胃，但我略嫌多了点橄榄油汤 CRAB侍应先倒了一小杯甜酒给我们，再把冻汤奉上，内有风干火腿，日本网瓜，，甜酒啫喱，鲜蟹肉等，当侍应把鲜黄
餐厅比我感觉比较静，可能我地早左去咁啱未有其他人。初初入去经理建议我地坐吧枱，对住大厨有点紧张，但侍应好亲切又介绍佢地各款菜式特点同点样配合唔同既酒，第一次试每一道菜都会有一款酒既wine pairing。
一开始见佢有不同既Tasting Menu，主要系分5 Course 同8 Course ，一场嚟度当然想试多啲嘢啦，就拣左8 Course 再配埋佢八款酒一齐试。
先嚟头盘SCALLOP TARTARE
日本刺身级带子加大根同青苹果，伴上一片墨鱼汁同米浆炸成的脆片，配上龙虾汁蛋黄酱，虽说墨鱼脆片是油炸，但绝不油腻，仲要好薄又好脆，食时将带子放在脆片上再点酱汁，淡口而清新，再饮啖白酒更加醒神。
第二个Course POTATO
将巴马臣芝士加忌廉打起，感觉好轻身，再用法国春卷皮包住，头尾仲有好幼细既法国葱封住，下面配上青瓜甜粟米蕃茄等，这个芝士完全不觉腻配合疏菜粒醒胃，但我略嫌多了点橄榄油
汤 CRAB
侍应先倒了一小杯甜酒给我们，再把冻汤奉上，内有风干火腿，日本网瓜，，甜酒啫喱，鲜蟹肉等，当侍应把鲜黄色的冻汤倒进碗中，我已感到很香甜，喝下一口，惊喜非常，无谂过网瓜做既冻汤系咁好饮，之后再跟厨师吩咐把少许甜酒倒进汤中，又有另一番味道。
主菜OCTOPUS
将八爪鱼慢煮半小时，再砌片，上面加上焗干左既辣肉肠，黑蒜，火箭菜汁，灯笼椒汁，青榄......令每一口都可以尝到不同味道，八爪鱼外层软软的内层就保留鲜味，配合得非常出色。
LOBSTER
整碟菜式就表现龙虾的精粹，龙虾钳嫩滑做左个细沙律，龙虾肉用brown butter不同香料浸煮过，又嫩又香，这款配的酱汁也非常特别，用多个洋葱同白陈醋制成，再洒上用龙虾膏同蒜头做成的脆粉，非常用心的去制作
IBERICO PLUMA
侍应介绍时说这是叉烧，差太远吧，佢地话每旧猪肉都煮左5次，先慢煮，再煎再焗，得d油白出返黎，之后外层加左蜜糖再用火枪烧一烧，更脆，再焗一焗等d蜜糖溶入肉汁。肉味非常浓郁，加两片红酒梨肉更减肥腻感，又要讲个酱，系好多蕃茄同洋葱/干葱等等煮成，呢个时候先上自己制既包，等你可以控制你既饱肚感！
PIGEON
一般乳鸽都会煮到全熟，有时还会韧，但今次大厨只煮到四成熟，再煎香有皮既一面，等鸽既油香出返哂黎，完全不觉得那是平日的乳鸽非常惊喜，配菜用上长西兰花同大啡菇，系大厨对澳洲多年既厨房生活既致敬，个汁都系由大啡菇同西方好矜贵既菇水同高汤制成，又系香气满分
最后甜品STRAWBERRY
yoghurt 酸酸甜甜再配上薄荷蛋白脆条，口感同层次都好丰富，酱汁又是厨师精心制作，呢
个就配由经理亲自调制既鸡尾酒，再加分
最后为我们送上一粒朱古力，侍应话名为初恋，但吃下我觉得是暗恋的感觉，外脆内软中间酸酸的。。。。。
这个晚上真是大满足，后来厨师告诉我们会记得我们吃过的东西，下次再来会做另一些不同菜式，非常体贴
还知道他们有做午巿，看看餐牌，超值，有机会再来试下
张贴
