影片
更多
2024-09-08
2725 浏览
4/9/2024📍第一郡呢间越南餐厅仲开系深水埗嘅时候就食过一次 印象中都几好食 到搬咗去大舖几年 今日终于去食多次啦😽宜家嘅舖头真系大咗好多 但晚市时段都系满座 生意劲好我哋6点半左右去到唔驶等位 上菜速度都好快⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨蟹膏番茄汤檬（$70）一饮个汤底就被彻底惊艳 事关汤底嘅蟹味真系好香浓！同番茄嘅酸甜超级夹！佢嘅配料好多 最特别嘅系个蟹膏饼 蟹味好香 口感好得意 食唔出佢系点整出嚟（我哋估系蛋白mix蟹肉蟹膏🤣）至于豆卜、猪红、扎肉 全部都非常入味 吸晒汤底嘅鲜味 仲有半个番茄同几条生菜添檬粉嘅分量都唔少 亦唔会煮得太腍 唯一要弹嘅系herbs太多 要夹走面头果啲先唔会咁重味😹✨越式法包（$60）半条法包卖呢个价真系几贵下 不过真系几好食😋佢嘅法包系外脆内软 唔会好难咬 啱上菜嘅时候仲系暖暖哋 入面嘅饀都足料 有扎肉、腩肉、肉松、萝卜丝 、青瓜、肝酱、酸菜 mix埋一齐嘅味道同口感都好丰富 芫茜味唔会好重✨米纸虾卷（$22）一条米纸卷切开两半 搣开出面嘅香叶就食得 中间嘅饀料好足 有檬粉、青瓜、虾、生菜佢嘅灵魂在于个酱汁 花生味超浓 个酱入面仲有啲萝
📍第一郡
呢间越南餐厅仲开系深水埗嘅时候就食过一次 印象中都几好食 到搬咗去大舖几年 今日终于去食多次啦😽
宜家嘅舖头真系大咗好多 但晚市时段都系满座 生意劲好
我哋6点半左右去到唔驶等位 上菜速度都好快
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨蟹膏番茄汤檬（$70）
一饮个汤底就被彻底惊艳 事关汤底嘅蟹味真系好香浓！同番茄嘅酸甜超级夹！
佢嘅配料好多 最特别嘅系个蟹膏饼 蟹味好香 口感好得意 食唔出佢系点整出嚟（我哋估系蛋白mix蟹肉蟹膏🤣）
至于豆卜、猪红、扎肉 全部都非常入味 吸晒汤底嘅鲜味 仲有半个番茄同几条生菜添
檬粉嘅分量都唔少 亦唔会煮得太腍
唯一要弹嘅系herbs太多 要夹走面头果啲先唔会咁重味😹
✨越式法包（$60）
半条法包卖呢个价真系几贵下 不过真系几好食😋
佢嘅法包系外脆内软 唔会好难咬 啱上菜嘅时候仲系暖暖哋
入面嘅饀都足料 有扎肉、腩肉、肉松、萝卜丝 、青瓜、肝酱、酸菜 mix埋一齐嘅味道同口感都好丰富 芫茜味唔会好重
✨米纸虾卷（$22）
一条米纸卷切开两半 搣开出面嘅香叶就食得 中间嘅饀料好足 有檬粉、青瓜、虾、生菜
佢嘅灵魂在于个酱汁 花生味超浓 个酱入面仲有啲萝卜丝 夹埋米纸卷一齐食💯
✨斑斓绿豆糕（$15）
斑斓味好香 口感好烟韧 中间嘅绿豆蓉好滑 唔会太甜👍🏻
✨紫米糕（$7）
口感几实净 食到一粒粒嘅紫米口感好好 亦都唔会太甜👍🏻
✨牛油果沙冰（$35）
与其话系沙冰 饮落更加似系milkshake 完全冇沙冰嘅口感 非常smooth 如果想要沙冰嘅口感一定会失望😹 牛油果味好香🥑甜度适中
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最后埋单～$220 （连加一）
所有野都好好食 真系好推荐大家嚟试下啊😽
推荐指数🌟：5/5
📍 油麻地弥敦道483-485A号2楼
张贴
