牛站(駅)麻辣火鍋放題

营业中

休息中

牛駅秘製麻辣鍋（小辣）鐘意食辣既朋友岩哂，越煮越有味道，越煮越辣。一埋位，會擺定一壺湯俾你加湯用，不過佢本身黎個鍋都好大，我打左差唔多2個小時，都唔需要加湯。我地簡左$288個餐，種類都好豐富，有肉類、海鮮類、丸類、餃類、小菜等等，再加埋出面可拎既火鍋配料、小食同甜品，仲可以任食麻辣小龍蝦同糍粑。SRF美國極黑肩胛肉眼片 VS 美國牛肩胛片個人比較鐘意SRF個款，肉味較濃，油脂唔算多，肉質帶有咬勁。海鮮😋 🦐：海蝦新鮮，肉質彈牙沙白：冇沙，唔錯日本帆立貝：好大粒😍😍美顏花膠：好大塊呀，煮到最後食，索左湯汁，好正魚肚：棉花雞個款，估唔到有得食😋飲品選擇都好多，除左常見既汽水、茶類同酒外，仲有自家製冷泡茶、凍熱清酒🍶、梅酒。台灣人參烏龍：唔錯，仲帶點參味既甜。凍清酒：清甜，唔濃烈，易入口💪🏿最後食埋支雪條，好滿足。