龍亭

自己同女友一向都好钟意食Omakase，最近就试咗呢间位于佐敦宁波街嘅隐世 Omakase。餐厅虽然面积唔大，但系都设有吧枱同卡位，餐牌提供 $588-$1888 套餐，最后拣咗入门厨师发板套餐，套餐有五道菜，有沙律、两款海鲜、一款肉类、炒饭及甜品。沙律系烟三文鱼伴沙律菜，烟三文鱼够肥美，配搭酸酸甜甜嘅蔬果同黑醋，非常提神醒胃。海鲜每人有二款，我哋就拣咗带子、元贝、鲍鱼同东升斑 Share 食。自己超钟意呢个元贝，肥大肉厚之余牛油酱汁味道浓郁惹味，最后连啲汁都饮埋 🤭 鲍鱼同东升斑入口亦非常软嫩。黑豚扒入口即化油香满溢 🤤 食过返唔到转头。澳洲牛柳粒拣咗五成熟，肉汁饱满肉味浓郁，而且可以配搭碟上多种配菜一齐食。非常足料嘅海鲜炒饭。呢个白鳝系另外单点，鳝肉好肥美，就咁食鲜味十足，想滋味啲可以点上旁边嘅海盐泡泡或者调味料食。最后食埋清爽嘅柚子雪糕，呢餐 Omakase 超满足。