劉興記生煎包專門店

营业中

休息中

🍚刘兴记生煎包专门店  📍前一排social media有好多饮食page、foodie 都有po生煎包，好似好hit咁，搞到我都好想试，今次终于有机会啦🍴蟹黄生煎包（2只）  $38 一上枱就闻到阵阵嘅蟹黄香味，煎得金黄嘅外皮，咬落去「卜」一声，热辣辣嘅汤汁就爆晒出嚟！个汤底好鲜甜，带有微微嘅蟹膏嘅咸香，而个馅料就充满住蟹肉嘅鲜味，每一啖都好似喺食紧一只迷你嘅蟹咁！🍴蟹粉小笼包（4只） $80 蟹粉小笼包嘅个头比生煎包细啲，但系个馅料就更加浓郁。轻轻一咬，热辣辣嘅汤汁就喺口腔爆开，蟹粉嘅鲜味喺舌尖上慢慢散开，真系好满足！
🍴鸡丝酸辣汤  $35配埋一碗鸡丝酸辣汤，酸酸辣辣嘅汤底，饮落去好开胃，而且鸡丝嘅份量都几多，口感丰富。🍴低糖豆浆   $0 （消费满$60）呢间店嘅豆浆竟然系免费送嘅，而且任饮！豆浆嘅味道香浓，而且唔会太甜，系一个完美嘅结尾。