影片
更多
2018-12-13
874 浏览
自从食过一次omakase之后，就爱上左，真系返唔到转头，一黎中意有惊喜既感觉，二来，食每一餐omakase 都起码用个几2个钟，真系可以将平日急速既生活节奏放慢。 今次，比我地揾到金钟呢一间鮨月，地方其实唔算好难揾，但由地铁站🚇行上来都要10分钟左右。店铺虽然唔系好大，但感觉好亲切舒服。因为我地食omakase，所以都系坐吧枱前面。今次拣呢一间铺头食既主要原因系佢既鱼类品种比较新颖，好少机会喺出面见到。先黎前菜，前菜有眼仁奈刺生、𩽾𩾌鱼肝、沢蟹。师傅刀功非常好，眼仁奈切得非常之薄，而佢既味道算系一d比较淡身既鱼，岩哂做头盘。𩽾𩾌鱼肝 ，鱼味香浓，口感细腻，食完过左一阵，味道仍然停留在口腔中。沢蟹，坐喺吧枱上见到有个鱼缸养住d新鲜仲识郁既沢蟹，所以当自己要放入口既时候觉得有小小残忍。而沢蟹炸左之后脆卜卜，但一d油都无，而且好香蟹味，只系要小心一d食，因为咬既时候会有小小吉。食完前菜黎到食厚岸蚝，蚝非常大只而且十分肥美，蚝既面头加左海葡萄，食既时候，忍唔住一啖放入口，非常鲜甜。师傅预先加入了柠檬汁，一d腥味都无。而海葡萄本身既咸味，都唔会抢左蚝既鲜味。活北寄贝 非常爽口，而且味道香浓，师
今次，比我地揾到金钟呢一间鮨月，地方其实唔算好难揾，但由地铁站🚇行上来都要10分钟左右。店铺虽然唔系好大，但感觉好亲切舒服。因为我地食omakase，所以都系坐吧枱前面。今次拣呢一间铺头食既主要原因系佢既鱼类品种比较新颖，好少机会喺出面见到。
前菜
18 浏览
0 赞好
0 留言
先黎前菜，前菜有眼仁奈刺生、𩽾𩾌鱼肝、沢蟹。
师傅刀功非常好，眼仁奈切得非常之薄，而佢既味道算系一d比较淡身既鱼，岩哂做头盘。
𩽾𩾌鱼肝 ，鱼味香浓，口感细腻，食完过左一阵，味道仍然停留在口腔中。
沢蟹，坐喺吧枱上见到有个鱼缸养住d新鲜仲识郁既沢蟹，所以当自己要放入口既时候觉得有小小残忍。而沢蟹炸左之后脆卜卜，但一d油都无，而且好香蟹味，只系要小心一d食，因为咬既时候会有小小吉。
厚岸蚝
23 浏览
1 赞好
0 留言
食完前菜黎到食厚岸蚝，蚝非常大只而且十分肥美，蚝既面头加左海葡萄，食既时候，忍唔住一啖放入口，非常鲜甜。师傅预先加入了柠檬汁，一d腥味都无。而海葡萄本身既咸味，都唔会抢左蚝既鲜味。
活北寄贝
19 浏览
0 赞好
0 留言
活北寄贝
非常爽口，而且味道香浓，师傅话可以点wasabi 食，乜都唔加同点wasabi 我都试过，我都系中意乜都唔加，咁先可以食到本身既鲜味😊
上面系拖罗赤身，下面中拖罗，中拖罗食落既感觉比赤身拖罗较肥美，有一种入口即溶既感觉，而且2款拖罗一d筋都无👍🏾👍🏾
鳕鱼白子
39 浏览
1 赞好
0 留言
鳕鱼白子，本身唔系好敢食。因为我知道佢系鳕鱼既精囊，但因为佢蛋白质非常丰富，系女人既美肤之宝，食落好似豆腐一样咁滑，但比豆腐更有质感，加上香葱，味道更上一层。
寿司
132 浏览
1 赞好
0 留言
之后到食寿司，所有寿司同刺身都一样，师傅都已经调左味。 寿司有5款，包括缟曹以、伊佐木 、鲽、筋子赤虾同炙烧大拖罗。
筋子赤虾真系要大大推介，筋子大大粒，成旧寿司放入口，一咬，筋子既汁爆哂，非常鲜甜，而且赤虾好新鲜，十分爽滑，两者味道非常夹，口感好丰富。炙烧大拖罗同鲽都系火烧过，所以食落十分香口。烧完既大拖罗更加入口即溶，非常香滑。
食哂冷盘之后就到食串烧，串烧有烟肉芦笋串同银杏串，因为我本身都麻麻地银杏，所以都觉得佢味道一黎。而烟肉芦荀串反而好好味烧左既芦荀好juicy👍🏾👍🏾
软骨饺子
21 浏览
0 赞好
0 留言
而软骨饺子煎到好脆身，衬热食既时候有卜卜脆既感觉，咬落去既软骨好有口感。
樱花虾
21 浏览
0 赞好
0 留言
樱花虾，新鲜炸起热辣辣，粉浆唔会太厚，而且虾味浓，分足料。
汁烧牛扒
12 浏览
1 赞好
0 留言
汁烧牛扒，牛扒虽然簿身，但都充满了牛味，而且肉质腍嫰，加埋烧汁，更加好味👍🏾
明太子乌冬
17 浏览
0 赞好
0 留言
明太子乌冬，成个乌冬都充满了明太子酱。但又唔会觉得个乌冬辣，而且非常惹味，只系厌乌冬份量唔够多，食到我唔够喉🙈
福岗柿
15 浏览
0 赞好
0 留言
最后甜品系福岗柿，听师傅讲系空运到讲，唔驶讲，味道一流🤭🤭又香又甜又美味。
串烧
17 浏览
0 赞好
0 留言
拖罗
15 浏览
0 赞好
0 留言
张贴
