夢想小館

营业中

休息中

当晚老板应该有一围朋友上黎聚餐，明白大家聚会好开心，但大家真系嘈到不得之了，特别系老板可能想炒热气氛。而且二楼较为密闭空间，真系好应声好有回音，真心嘈到头都痛埋。同场连我在内有三枱客人，见大家连倾计都有难度。另外咁岩安排嘅位置比冷气风口兜头吹足一晚，有尝试过问职员可否调位但被拒绝，结果食晒成餐饭其他空位都无人坐过😓 虽然职员有协助拨风口位置，但隔一阵又会跌返原位照兜头吹。食物质素方面都比较一般，枱面嘅玻璃水樽底居然有厚厚一层青苔嘅物体🤢明白呢啲玻璃樽系好难清洁（或者根本唔可以期望有餐厅会认真清洁），但真系见到都怕怕唔敢饮用。有拎过隔离空枱嘅水樽想用，但发现都系一样咁污糟。仲有胶水壶嘅底都一样满满嘅污糟物🤢🤢🤢🤢🤢可能大家都叫野饮或者饮啤酒无咩点发现，但真系几倒胃口。成餐饭连加一都$300，但环境嘈杂又冷气吹爆头，啲水樽仲生晒青苔，搞到同朋友都食到极度唔开心！