影片
更多
2024-11-05
2080 浏览
无谂过第一次写review就系比左呢间餐厅，成餐饭真系食得好激心。10月26号我同朋友一齐去咗呢间餐厅食lunch.我哋系ig见到好多介绍，觉得个泥蚶饭几吸引，所以就打算试吓新餐厅。当日餐厅客人系唔多既，有3位外藉侍应，3位侍应系讲英文既。入餐厅后，无人招呼或带位，我哋就自己揾左个位坐。坐低之后男侍应行左过嚟叫我哋用QR code落单同埋比左啲小菜我哋。我同朋友就一人一个set,分别叫咗泥蚶饭配豆腐锅同海鲜豆腐锅。系落完单无耐，一位年纪较大既女侍应就拎咗两个豆腐锅过黎，接住再拎左两个白饭过嚟。因为我地其中一个餐系泥蚶饭既，见佢比两个白饭我，我就scan QR code检查返自己有冇order错，而我哋系无order错既。检查期间就有另一位女侍应送咗个泥蚶饭过嚟，同我讲话啲食物到齐。咁因为落单app上面泥蚶饭set既图片系豆腐锅，泥蚶饭加白饭既，我就以为系真系有两个饭咁多，就无再研究，开餐啦。食左几啖之后，果个年纪较大既侍应就拎住张单行过嚟讲咩extra charge.咁因为佢未行到过黎已经讲紧野，我都无听清楚佢前一两只字，就谂住问清楚，然后佢就话泥蚶饭set系唔应该会有白饭，我就解释返
10月26号我同朋友一齐去咗呢间餐厅食lunch.我哋系ig见到好多介绍，觉得个泥蚶饭几吸引，所以就打算试吓新餐厅。
当日餐厅客人系唔多既，有3位外藉侍应，3位侍应系讲英文既。入餐厅后，无人招呼或带位，我哋就自己揾左个位坐。坐低之后男侍应行左过嚟叫我哋用QR code落单同埋比左啲小菜我哋。我同朋友就一人一个set,分别叫咗泥蚶饭配豆腐锅同海鲜豆腐锅。系落完单无耐，一位年纪较大既女侍应就拎咗两个豆腐锅过黎，接住再拎左两个白饭过嚟。因为我地其中一个餐系泥蚶饭既，见佢比两个白饭我，我就scan QR code检查返自己有冇order错，而我哋系无order错既。检查期间就有另一位女侍应送咗个泥蚶饭过嚟，同我讲话啲食物到齐。咁因为落单app上面泥蚶饭set既图片系豆腐锅，泥蚶饭加白饭既，我就以为系真系有两个饭咁多，就无再研究，开餐啦。食左几啖之后，果个年纪较大既侍应就拎住张单行过嚟讲咩extra charge.咁因为佢未行到过黎已经讲紧野，我都无听清楚佢前一两只字，就谂住问清楚，然后佢就话泥蚶饭set系唔应该会有白饭，我就解释返我哋无另外叫，谂住开返个QR code问清楚，佢就好串咁话but you have already touch the rice. 然后就抢我手上面张QR code单走，放左张新单上去，然后讲左句Oh my god 就走左去。
明明唔系我哋既错，我都好有礼貌谂住问清楚，佢就咁无礼貌地回应我。之后成餐饭个侍应系无再serve过我哋，而不停关心隔离枱对啲食物满唔满意。本身都想同老板反应下，但见个老板出左去讲电话，而餐厅入面只得果3位员工，我就无再讲啲咩。但成餐饭真系饭食得好炆好激心。
其实味道上系唔错的，特别小菜既辣炒年糕果酱系调得几好味，泥蚶都几香。可惜有啲咁差既员工，真系好赶客，我同朋友都唔会再嚟。果日因为太嬲，所以食紧中途先影相，写呢篇comment.
张贴
