尚文潮州菜

营业中

休息中

月尾出咗粮，约好友撑枱脚食好啲，去咗湾仔新开不久的尚文潮州菜，开开心心，食咗招牌红烧翅，非常满意，值得介绍：招牌红烧翅，每位 $420，味道非常好，因为落咗猪油，食起上嚟质感更加黏稠条，感觉好多骨胶原，幼细嘅鱼翅半溶口感，极之滑溜，每一口都是享受。另外必吃卤水鹅片鹅肝掌翼三拼仲有豆腐等于四拼，鹅肝够粉嫩，卤水汁清香唔会过咸，高级潮州菜嘅做法。中午食咗两款点心，潮州蒸粉果皮薄馅靓，潮州煎韭菜粿煎得香口。餐前有潮州茶及咸菜小食，水滚茶靓，传统潮州菜馆布置，光猛企理，服务态度好好。